Autoritetet kiliane thanë të enjten se gjetën trupin e një astronomi britanik i cili u zhduk në mes të shtatorit në një observator në veri të vendit, ku ai kishte mbërritur për një vizitë kërkimore shkencore, përcjell Bota sot.
Autoritetet kryen një kërkim të gjerë për Thomas Marsh, nga Universiteti i Warwick, në një zonë të gjerë të observatorit La Silla, që ndodhet në një zonë të thatë malore 600 kilometra në veri të kryeqytetit të Kilit, Santiago.
"Pas një kërkimi intensiv nga një ekip shumëdisiplinor oficerët e policisë (...) gjetën trupin e pajetë të një astronomi të zhdukur që nga 16 shtatori," tha njësia e policisë në rajonin verior të Coquimbo në llogarinë e saj në Twitter.
Autoritetet nuk përmendën shkakun e vdekjes.
Observatori La Silla ndodhet në skajin jugor të shkretëtirës Atacama, rreth 2,400 metra mbi nivelin e detit. Kili Verior është një qendër globale për vëzhgimet astronomike për shkak të cilësisë së qiellit të saj.
