Për të dëshmuar rëndësinë që i kushton parandalimit strategjik bërthamor, ushtria ruse ka instaluar një raketë ndërkontinentale në rajonin e Kalugas.
Ishte vetë Ministria e Mbrojtjes ruse ajo që publikoi videon e momentin të instalimit, për të shënuar ngjarjen pak përpara “Ditës së Forcave Raketore Strategjike” të Rusisë.
Raketa balistike ndërkontinentale e kompleksit Yars u ngarkua në një hedhëse Silo në formacionin e raketave Kozelsky, në rajonin në afërsi me kufirin bjellorus.
“Rëndësia e këtij operacioni qëndron në faktin se raketa do të jetë në detyrë luftarake siç është planifikuar. Atdheu do të marrë një mostër tjetër të armëve raketore bërthamore, e cila do të na lejojë të zgjidhim çdo detyrë në nivel strategjik”, tha Alexei Sokolov, komandanti i formacionit raketor Kozelsky.
Njoftimi për instalimin e raketave ndërkontinentale të Rusisë vjen pas raportimeve se administrata e Biden po finalizon planet për të dërguar një sistem të avancuar të mbrojtjes ajrore me rreze të gjatë në Ukrainë. Sistemi raketor njihet me emrin Patriot.
