Presidenti rus Vladimir Putin tha se Rusia po vazhdon zhvillimin e sistemeve raketore hipersonike, të cilat vendi i ka përdorur më parë në Ukrainë - përdorimi i parë i njohur i raketave të tilla në luftime, përcjell Bota sot.
Putin tha se raketat "janë unike në karakteristikat e tyre dhe nuk kanë analoge në botë".
Duke folur në një takim me shefat e mbrojtjes ruse për objektivat ushtarake të vitit të ardhshëm, Putin shtoi se një fregatë e re, Admiral Gorshkov "do të hyjë në shërbimin luftarak" në janar 2023.
Fregata do të ketë aftësitë për të gjuajtur "sistemet më të fundit të raketave hipersonike të bazuara në det Zircon", tha ai, duke shtuar se dërgesat e raketave Zircon kanë filluar.
