LIVE: Bota në alarm; Putin bën veprimin e pazakontë, skenarët që mund të sjellin fundin e luftës në Ukrainë

Presidenti rus Vladimir Putin ka humbur gjakftohtësinë gjatë takimit të parë të qeverisë së tij për 2023-shin.

Për disa minuta ai akuzoi Denis Manturov për vonesa burokratike në porositjen e avionëve civilë dhe ushtarakë.

“Shumë kohë, po zgjat shumë. Për çfarë po bëni qejf, kur do të nënshkruhen kontratat”, ka thënë Putin, që në fakt nuk i ka kritikuar zyrtarët e tij në publik. 

Takimi i parë i qeverisë erdhi në të njëjtën ditë kur Presidenti Putin zëvendësoi komandantin e tij të lartë në Ukrainë pas vetëm tre muajsh në krye.

Gjenerali Sergei Surovikin u emërua në tetor pas një sërë pengesash në pushtimin rus të Ukrainës, por ai nuk ka arritur të ndryshojë rrjedhën e luftës.

Në një video-telefonatë ndryshe optimiste të shfaqur në televizionin rus, në të cilën presidenti Putin vlerësoi trajtimin e ekonomisë nga ministrat e tij, Presidenti Putin e ndërpreu vazhdimisht zotin Manturov, ndërsa ministri detajonte planet për aeroplanë, helikopterë dhe varka.

Ministria e Mbrojtjes ruse bëri me dije për TASS se ekuipazhi i nëndetëses bërthamore të Rusisë, Belgorod ka kryer dhe përfunduar me sukses një seri testesh. Si rrjedhoje dhe qëllimi për testimin e sistemit të lëshimit Poseidon është arritur. “Testet e hedhjes së Poseidon u kryen për të parë performancën e nëndetëses në thellësi të ndryshme pas nisjes,” thuhet në deklaratën e Ministrisë.  

Një muaj më parë prezantuesi i njohur i Tv rus Rossijal Dmitry Kiselyov u shpjegoi shikuesve se cili ishte potenciali i pabesueshëm i këtij super-siluri. Sipas tij  kjo armë  ka potencialin që të shkaktoje një cunami radiokativ 500 metra që mund të zhdukte Mbretërinë e Bashkuar. Në qershor 2022, TASS,duke cituar një burim në industrinë e ndërtimit të anijeve, raportoi se nëndetësja Belgorod iu nënshtrua disa provave në Detin Barents. Kujtojmë se Belgorod u lançua në 23 Prill 2019 në kantierin e anijeve Sevmash, një degë e Korporatës së Ndërtimit të Anijeve të Bashkuara. Ajo u porosit në Marinën ruse më 8 korrik 2022.

Nëndetësja bërthamore shkakton cunam

Poseidon është një ndër armët më të fuqishme bërthamore të Rusisë, që sipas raporteve shtetërore ruse, mund të shkaktojë një cunam bërthamor dhe të zhdukë një vend me madhësi mesatare. Nëndetësja Belgorod u ndërtua nga trupi i një nëndetëse me raketa lundrimi Oscar-II që nuk u përfundua kurrë. Është përshtatur posaçërisht për të lëshuar mjete nënujore pa pilot, duke përfshirë silurin Poseidon. Ndërsa sipas një raporti të Shërbimit Kërkimor të Kongresit të SHBA (CRS), Belgorod mund të mbarte deri në tetë Poseidone me majë bërthamore. Kujtojmë së më parë zyrtarë të lartë amerikanë të paidentifikuar kanë cituar se inteligjenca amerikane vëzhgoi anijet detare ruse që ndoshta po përgatiteshin për testin e parë të silurëve bërthamorë Poseidon të aftë për të goditur qytetet bregdetare amerikane. Ndërkohë, Kievi i frikësohet një sulmi në kufirin me Bjellorusinë.

 Sipas autoriteteve ukrainase, Rusia mund të përpiqet të përdorë Bjellorusinë për të kryer një pushtim të ri tokësor nga veriu. Zelensky i cili ishte pjesëmarrës në një takim koordinues për çështjet e sigurisë në rajonin e Lviv, theksoi se Ukraina duhet të jetë gati për të përballuar çdo lloj sulmi si në kufi dhe në rajon. “Ne diskutuam mbrojtjen e kufirit shtetëror, situatën operacionale në kufirin me Republikën e Bjellorusisë dhe masat kundër-subversive në këto territore. Ne e kuptojmë se përveç deklaratave të fuqishme, nuk shohim asgjë atje, por megjithatë duhet të jemi të gatshëm si në kufi ashtu edhe në rajone” tha lideri Ukrainas. Ekspertët perëndimorë besojnë se Rusia po e shtyn  Bjellorusinë të hyjë drejtpërdrejt në luftë dhe Kievi ka paralajmëruar  dhe më herët se Moska mund të përpiqet të përdorë Bjellorusinë për të nisur një pushtim të ri tokësor të Ukrainës nga veriu.

Çfarë është Poseidon?

Poseidon UUV është një nga gjashtë armët strategjike të Rusisë, të njohura gjithashtu si ‘Super Armët’, që Presidenti rus Vladimir Putin zbuloi gjatë një fjalimi në vitin 2018 në Sallën Qendrore të Ekspozitave Manezh pranë Kremlinit.Super armë të tjera përfshijnë raketën balistike ndër-kontinentale Sarmat (ICBM), Avangard Hypersonic Glide Vehicle (HGV), raketën e lundrimit Burevestnik, raketën hipersonike të lëshuar nga ajri Kinzhal dhe raketën hipersonike të lëshuar nga anija Tsirkon. Poseidoni është ndoshta super-arma më e madhe që ndryshon lojën në arsenalin rus, duke i shtuar një dimension tjetër parandalimit bërthamor. Është një ‘Silur Autonom i Armatosur nga Bërthamore Ndërkontinentale’.Shpejtësia e armës pritet të jetë rreth 70 nyje, më e shpejtë se silurët ekzistues dhe sipas disa raporteve, ndoshta edhe 108 nyje, duke e bërë atë të pakapshëm.

Thellësia e tij e funksionimit është rreth 1,000 metra ose 3,300 këmbë, duke e bërë atë gjithashtu të pakapshëm. Burime nga inteligjenca e NATO-s bënë me dije se janë në alarm  për nëndetësen që mund të përbëjë një kërcënim bërthamor. Ndaj dhe NATO do të jetë e gatshme të reagoje nëse Putin do të sulmonte. Aleanca është në gatishmëri dhe po monitoron çdo lëshim të mundshëm silurësh nga nëndetësja.

Lufta në Ukrainë po hyn në muajin e saj të 11-të dhe beteja për Ukrainën që po shpaloset para syve tanë ka potencialin të jetë ngjarja më transformuese në Europë që nga Lufta e Dytë Botërore dhe konfrontimi më i rrezikshëm për botën që nga kriza e raketave kubane.

Muajin e kaluar, Vladimir Putin pranoi se lufta e Rusisë në Ukrainë mund të bëhet një “proces afatgjatë”, duke shtypur shpresat për një mbyllje të konfliktit në të ardhmen e afërt.

Putini nuk ka aftësinë për të vendsour një lider kukull në Ukrainë dhe thjesht ta lërë atje: një kukull do të përballej me një kryengritje të përhershme. Pra, Rusia duhet të vendosë përgjithmonë dhjetëra mijëra trupa në Ukrainë për ta kontrolluar atë dhe ukrainasit do të qëllojnë mbi ta çdo ditë.

Është e tmerrshme se sa pak Putini ka menduar se si përfundon lufta e tij.

Por, si mund të përfundonte lufta?

Armëpushimi

Ndërsa luftimet vazhdojnë, një negocim mund të zhvillohet dhe mund të vijë një armëpushim i përkohshëm.

Seth Jones, drejtori i Qendrës për Studime Strategjike dhe Ndërkombëtare, i tha Business Insider: “Kjo ndoshta nuk do të sillte një fund të luftës, por kjo do të sillte një rënie të gjendjes aktive të luftës duke e çuar drejt një konflikti të ngrirë, që mund të nxehet apo ftohet në varësi të faktorëve".

Marrëveshja e paqes

Një marrëveshje paqeje mund të arrihet midis Ukrainës dhe Rusisë, por kjo do të thotë që të dyja palët duhet të bien dakord se cili është territori i tyre. Në dhjetor, Vladimir Putin, dha sinjalet e para se Rusia është e gatshme të nënshkruajë një marrëveshje paqeje, për t’i dhënë fund luftës.

Ai pranoi gjithashtu për herë të parë se kishte pasur probleme në mobilizimin e qindra mijëra rekrutëve për të luftuar në konflikt. Nga ana tjetër presidenti ukrainas Volodymyr Zelenskyy ka thënë vazhdimisht se Rusia duhet të largohet nga të gjitha territoret e pushtuara përpara se të fillojnë bisedimet e paqes.

Tërheqja e forcave ruse

Në muajt e fundit, Ukraina ka ndërmarrë një kundërofensivë efektive dhe ka shtyrë forcat ruse nga territoret e pushtuara. Megjithatë, ekspertët besojnë se forcat ruse nuk do të heqin dorë lehtësisht nga territori.

Mark Cancian, një kolonel i pensionuar i marinës amerikane dhe këshilltar i lartë në Qendrën për Studime Strategjike dhe Ndërkombëtare, i tha Business Insider: “Në Rusi, gjëra të këqija u ndodhin sunduesve që humbin luftërat”.

Duke nënkuptuar në këtë mënyrë që gjasat për një tërheqje të mundshme ruse nga ana e Putinit janë pothuajse inekzistente. Por nëse Putini vazhdon përpara dhe rrafshon qytetet më të mëdha të Ukrainës dhe kryeqytetin e saj, Kievin, ai dhe të gjithë miqtë e tij nuk do t’i shohin më kurrë apartamentet në Londër dhe Nju Jork, që blenë me të gjitha pasuritë e tyre të vjedhura.

Nuk do të ketë më Davos dhe Shën Moritz. Në vend të kësaj, ata të gjithë do të mbyllen në një burg të madh të quajtur Rusi, me lirinë për të udhëtuar vetëm në Siri, Krime, Bjellorusi, Korenë e Veriut dhe Kinë, ndoshta.

Fëmijët e tyre do të dëbohen nga shkollat private nga Zvicra në Oksford. Ose ata do të bashkëpunojnë për të rrëzuar Putinin ose të gjithë do të ndajnë qelinë e tij të izolimit.

E njëjta gjë për publikun e gjerë rus. E kuptoj që ky skenar i fundit është më i pamunduri nga të gjithë, por është ai që mban më shumë premtime për arritjen e ëndrrës që pamë kur ra Muri i Berlinit në vitin 1989 – një Europë e plotë dhe e lirë, nga Ishujt Britanikë në Vladivostok.

Rusia nuk po heq dorë nga qyteti i Soledar-it, por në të njëjtën kohë as ushtarët ukrainas të cilët janë duke luftuar pavarësisht humbjeve që kanë pësuar.

Kreu i administratës ushtarake rajonale të Donetsk, Pavlo Kyrylenko ka deklaruar se më shumë se 500 civilë kanë mbetur në Soldear.

Duke folur në televizionin ukrainas mëngjesin e sotëm, Kyrylenko u shpreh se “deri tani kanë mbetur 523 banorë. Shumica e njerëzve të mbetur janë mbi 50 vjeç. Midis tyre ka dhe fëmijë të cilët janë pa asnjë informacion. Ne po bëjmë çmos për t’i ndihmuar njerëzit të largohen.

Në lidhje me një evakuim të mundshëm, ai u shpreh se është e pamundur në këto kushte.

Rusia pretendon se ka bërë përparime në Soledar ditët e fundit, mes disa prej luftimeve më të ashpra të luftës.

Ministria e Jashtme ruse ka vendosur sanksione kundër 36 shtetasve britanikë, duke përfshirë anëtarë të qeverisë së Britanisë, të agjencive të sigurisë dhe të zbatimit të ligjit dhe gazetarë, raportuar nga Shërbimi rus i BBC.

Masa lidhet me “kursin anti-rus të qeverisë britanike, e cila vazhdon të zbatojë në mënyrë aktive mekanizmin e sanksioneve personale dhe zhvillon një fushatë intensive propagandistike për të diskredituar vendin tonë dhe për ta izoluar atë në arenën ndërkombëtare”, ka deklaruar Ministria  e jashtme ruse.

Në lidhje me identifikimin e emrave, ministria nuk e ka publikuar listën e atyre që do u nënshtrohen sanksioneve.

Që nga fillimi i pushtimit rus ndaj Ukrainës, Moska ka shpallur sanksione kundër qindra qytetarëve britanikë në përgjigje të qëndrimit të Londrës ndaj luftës.

Philip Ingram, ish-oficer i inteligjencës, i tha Sky News këtë pasdite se ka një “kartë të egër” në lëkundjen e udhëheqjes ushtarake ruse.

Ai gjithashtu vuri në dukje kreun e Wagner Group Yevgeny Prigozhin si një “pasardhës të mundshëm” të Vladimir Putin.

Duke shpjeguar ndryshimet, z. Ingram tha se gjenerali Sergey Surovikin nuk është zëvendësuar drejtpërdrejt, por Valery Gerasimov është vendosur mbi të.

Ai tha: “Ai nuk është zëvendësuar, por dikush është vendosur mbi të, dhe ky është Gerasimov. Tani, Gerasimov… është ekuivalenti i shefit të shtabit të mbrojtjes në terma të Mbretërisë së Bashkuar.

“Ai është një aleat i madh i Putinit, ai ka qenë në një rol planifikimi – një rol të madh që nga planifikimi i Luftërave Çeçene të vitit 1999 dhe sërish i rëndësishëm në aneksimin e Krimesë në 2014 dhe në këtë operacion special ushtarak.

“Surovikin, i cili ishte komandant i të gjitha operacioneve në Ukrainë, është ulur në një nga tre zëvendësit e tij.

“Por atëherë ka një wild card në të gjithë këtë, dhe karta e egër është Yevgeny Prigozhin, i cili është kreu i operacionit Wagner. Janë trupat e tij që janë të përfshira në të gjitha luftimet për të cilat po dëgjojmë rreth Bakhmut dhe Soledar.

“Por ai ka një lidhje të drejtpërdrejtë me Vladimir Putin. Ai, në mënyrë rigoroze, duhet të punojë nën zinxhirin e komandës ushtarake, por duket se bën gjënë e tij.

“Ai po merr përsipër në shumë fusha të ndryshme. Ai gjithashtu thuhet se është një pasardhës i mundshëm i Putinit nëse kjo do të hyjë – dhe ai ka qenë hapur kritik ndaj [ministrit të mbrojtjes] Sergei Shoigu dhe Gerasimov.”

Një 24-vjeçar është dënuar me pesë vjet burg për refuzimin për të luftuar për Rusinë në Ukrainë, thanë sot zyrtarët.

Marsel Kandarov nuk u paraqit në detyrë në maj të vitit 2022 pasi ai “nuk donte të merrte pjesë në operacionin ushtarak special”, njoftoi shërbimi i shtypit për gjykatat në rajonin e Bashkortostan, shkruan SkynewS.

Ai u gjet në shtator – dhe qëndroi para një gjykate ushtarake.

Gjykata gjeti se Kandarov kishte shmangur shërbimin ushtarak gjatë mobilizimit për më shumë se një muaj.

Vladimir Putin kishte urdhëruar mobilizimin e 300 mijë rezervistëve në fund të shtatorit.

Presidenti Vladimir Putin ka shkarkuar komandantin e lartë rus në Ukrainë, Sergei Surovikin vetëm tre muaj pasi ai u emërua.

Shefi i Shtabit të Përgjithshëm Valery Gerasimov tani do të drejtojë atë që Putin e quan një "operacion special ushtarak", shkruan BBC. 

Gjenerali Gerasimov zëvendëson Sergei Surovikin i cili ka mbikëqyrur sulmet brutale të fundit në infrastrukturën energjetike të Ukrainës.

Riorganizimi vjen pasi rusët pretendojnë se po bëjnë përparim në Ukrainën lindore pasi pësuan një sërë humbjesh ushtarake në muajt e fundit.

Rusia filloi pushtimin e saj në Ukrainë më 24 shkurt.

Gjenerali Gerasimov, i cili ka qenë në post që nga viti 2012, është shefi më jetëgjatë i shtabit të përgjithshëm rus të epokës post-sovjetike.

Gjenerali Surovikin - tani zëvendësi i tij - është quajtur "Gjeneral Armagedon" për taktikat e tij brutale në luftërat e mëparshme, duke përfshirë operacionet e Rusisë në Siri dhe bombardimet e rënda të qytetit të Aleppos në veçanti.

Menjëherë pasi ai u emërua për të drejtuar operacionin në tetor, Rusia filloi fushatën e saj për të shkatërruar infrastrukturën energjetike të Ukrainës, duke lënë miliona civilë ukrainas pa energji ose ujë të rrjedhshëm për periudha të gjata në thellësi të dimrit. Ai gjithashtu mbikëqyri tërheqjen e Rusisë nga qyteti jugor Kherson - një sukses i madh për ukrainasit.

Skynews ka bërë një përmbledhje të zhvillimeve të fundit në luftën në Ukrainë, përcjell "Bota sot".

Më poshtë përmbledhja:

Moska emëroi një komandant të ri për pushtimin e saj në Ukrainë, ndërsa firma ushtarake private ruse Wagner Group tha se kishte përfunduar kapjen e qytetit të minierave të kripës Soledar në pjesën lindore të vendit;

Kreu i Wagner tha se forcat e tij kishin arritur "çlirimin" e plotë të Soledarit, duke vrarë rreth 500 trupa pro-ukrainas;

Presidenti ukrainas Zelenskyy u tall me pretendimet ruse për pushtimin e një pjese të Soledar në fjalimin e tij të natës, duke thënë se luftimet ishin ende duke vazhduar.

Kapja e qytetit strategjik do të ishte fitimi më thelbësor i Moskës që nga një seri tërheqjesh gjatë pjesës më të madhe të gjysmës së dytë të vitit të kaluar;

Ministria ruse e mbrojtjes tha se njësitë ajrore kishin shkëputur Soledarin nga veriu dhe jugu, ndërsa milicia e Grupit 'Wagne'r publikoi fotografi të liderit të grupit Yevgeny Prigozhin me luftëtarët brenda atyre që dukej të ishin minierat e Soledar;

Rusia dhe Ukraina kanë rënë dakord për shkëmbimin e 40 robërve të luftës secila, sipas zyrtarëve rusë dhe ukrainas.

Një ekspert ka ofruar pikëpamjen e tij mbi ambiciet e aleatit të Putinit dhe themeluesit të Grupit Wagner, Yevgeny Prigozhin.

Samuel Ramani, bashkëpunëtor në Institutin Mbretëror të Shërbimeve të Bashkuara, tha se kreu i grupit mercenar rus ka pasur një rivalitet "të gjatë" me ministrin e mbrojtjes Sergei Shoigu, shkruan Skynews, përcjell "Bota sot".

Ai tha për CNN se kjo daton që nga lufta siriane, kur Grupi Wagner shpesh punësohej drejtpërdrejt nga Assad për të kryer operacione - duke kaluar mbi kreun e Ministrisë së Mbrojtjes ruse.

Zoti Prigozhin tani është "duke u përpjekur të përfitojë nga zhgënjimi i nacionalistëve rusë" ndaj trajtimit të konfliktit dhe duke përdorur kanalet e tij Telegram për të njollosur zotin Shoigu.

Ramani tha se themeluesi i Wagner "duket se po përpiqet të pozicionohet si një ministër në hije i mbrojtjes i cili është më i respektuar se Shoigu".