Kancelari gjerman Olaf Scholz ka thënë se Gjermania do të vazhdojë të mbështesë Ukrainën, duke folur disa ditë pasi aleatët perëndimorë ulën shpresat e Ukrainës për një dërgesë të shpejtë të tankeve luftarake, përcjell Bota sot.
"Ne do të vazhdojmë të mbështesim Ukrainën - për aq kohë sa të jetë e nevojshme.
Së bashku, si evropianë - në mbrojtje të projektit tonë të paqes evropiane," tha Scholz në Paris në një ngjarje për të festuar miqësinë midis Gjermanisë dhe Francës.
Franca dhe Gjermania po kërkojnë të kapërcejnë dallimet e zbuluara nga lufta e Rusisë në Ukrainë dhe të forcojnë aleancën e tyre me një ditë ceremonish dhe bisedimesh mbi sigurinë, energjinë dhe sfidat e tjera të Evropës.
