Kaosi i shkaktuar nga tërmeti në Turqi, në spitale 282 fëmijë identiteti i të cilëve nuk dihet
Ministria e Familjes dhe Shërbimeve Sociale në Turqi ka njoftuar se numri i fëmijëve të identifikuar është 1114 dhe numri i fëmijëve të paidentifikuar është 282.
“Janë të regjistruar 1396 fëmijë të cilët janë nxjerrë nga rrënojat pa asnjë person shoqërues dhe 721 fëmijë trajtimi i të cilëve vazhdon në spital. 167 fëmijë janë transferuar në njësitë përkatëse të Ministrisë sonë. 508 fëmijë tanë u janë dorëzuar familjarëve të tyre pas kontrollit të identitetit dhe verifikimit të aplikantëve. Kemi 1114 fëmijë identiteti i të cilëve është identifikuar dhe 282 fëmijë identiteti i të cilëve nuk dihet”, njofton Ministria.
Kujtojmë që kërkimi për gjetjen e personave të gjallë vazhdon ende edhe pse shpresat thuajse janë shuar.
Deri më tani raportohet se për më shumë se 41 mijë viktimave.
Ministri i Jashtëm armen do të vizitojë Turqinë pas tërmeteve vdekjeprurëse
Ministri i Jashtëm armen Ararat Mirzoyan do të vizitojë Turqinë ditën e sotme për të shprehur solidaritetin pas tërmeteve vdekjeprurëse që goditën rajonin jugor javën e kaluar.
Ministri i Jashtëm turk Mevlüt Çavuşoğlu dhe Mirzoyan do të takohen në kryeqytetin e vendit, Ankara, ku do të përcjellë ngushëllimet për tërmetet e dyfishta të 6 shkurtit që kanë vrarë mbi 37,000 njerëz, tha Ministria e Jashtme në një deklaratë.
Mirzoyan do të vizitojë gjithashtu Adiyamanin për të takuar ekipet armene të kërkimit dhe shpëtimit, shtoi ai.
Lëkundjet me magnitudë 7.8 dhe 7.6 u përqendruan në Kahramanmaras dhe goditën 9 provinca të tjera, Hatay, Gaziantep, Adiyaman, Malatya, Adana, Diyarbakir, Kilis, Osmaniye dhe Sanliurfa. Më shumë se 13 milionë njerëz janë prekur.
Ngushëllimet kanë ardhur nga e gjithë bota duke shprehur solidaritet me Turqinë, me shumë vende që dërgojnë ekipe shpëtimi dhe ndihmë.
Shkon në mbi 41 mijë numri i viktimave nga tërmeti në Turqi dhe Siri
41,219 njerëz kanë humbur jetën pas një tërmeti me magnitudë 7.8 ballë që tronditi Turqinë juglindore dhe Sirinë veriperëndimore më 6 shkurt, sipas zyrtarëve turq dhe sirianë.
Sipas presidentit Recep Tayyip Erdogan, në Turqi u vranë 35,418 njerëz. Në Siri, numri i të vdekurve aktualisht është 5,801 në zonat e kontrolluara nga qeveria dhe rebelët në veriperëndim të Sirisë, sipas shifrave të marra nga Ministria e Shëndetësisë siriane, grupi mjekësor dhe mbrojtjes civile siriane që vepron në zonat e kontrolluara nga opozita, të njohura si Helmetat e Bardha .
Numri i të vdekurve në Turqi është tani më i madh se tërmeti i Erzincanit i vitit 1939, rekordi i mëparshëm për shumicën e vdekjeve për shkak të një tërmeti në historinë moderne turke.
Tërmeti para agimit ishte me qendër në qytetin Pazarcik në provincën juglindore Kahramanmaras të Turqisë dhe u pasua nga disa pasgoditje të fuqishme. Mijëra ndërtesa u rrëzuan në të dy anët e kufirit dhe numri i të vdekurve vazhdoi të rritet ndërsa punonjësit e shpëtimit kërkonin të mbijetuarit në grumbujt masive të rrënojave.
