Ish-republika sovjetike ka thënë se është e përgatitur për një "spektër të plotë kërcënimesh", pas frikës se Rusia mund të intensifikojë përpjekjet për ta destabilizuar atë, prëcjell Bota sot.
Moldavia ka akuzuar Rusinë për nxitje të protestave antiqeveritare dhe komplot për të pushtuar vendin – diçka që Rusia e mohon.
Në një intervistë përmes telefonit, ministri i jashtëm i Moldavisë, Nicu Popescu tha: "Institucionet tona kanë planifikuar për përgjigje përgjatë spektrit të plotë të kërcënimeve.
“Sigurisht që kemi mjete të kufizuara, por në të njëjtën kohë nuk jemi vetëm në këtë.
Në fillim të pushtimit, Moldavia kishte frikë se Moska mund të përpiqej të pushtonte rajonin e saj separatist të Transnistrisë.
Megjithatë, z. Popesku tha se suksesi i Ukrainës në fushën e betejës e kishte zvogëluar këtë mundësi.
"Ne nuk mendojmë se Moldavia është në një pozicion për t'u kërcënuar ushtarakisht për sa kohë që Ukraina reziston dhe e mban vijën e frontit larg nesh," tha ai.
Ai vazhdoi se qeveria e tij ka qenë "vazhdimisht vigjilente" ndaj kërcënimeve që nga pushtimi, duke përfshirë frikësimin e bombave dhe sulmet kibernetike.
"Në vitin e fundit, rreziqet dhe kërcënimet kanë qenë në mënyrë dramatike më të larta se më parë," tha ai.
Dje, presidenti amerikan Joe Biden konfirmoi mbështetjen e tij për sovranitetin e Moldavisë.
