Intensiteti i luftimeve midis forcave ukrainase dhe ruse rreth qytetit lindor Bakhmut po vazhdon të rritet, ka thënë presidenti Volodymyr Zelenskyy.
Komentet e liderit ukrainas vijnë një ditë pasi ai tha se situata ushtarake po bëhej gjithnjë e më e vështirë rreth qytetit.
Muajt e fundit, beteja në Bakhmut është bërë një nga më të ashprat e deritanishme të luftës, me banorët e detyruar të strehohen nën tokë dhe në kushte ngrirjeje, shkruan Skynews.
Forcat ruse kanë shtyrë ofensivën e tyre në Ukrainën lindore ndërsa përpiqen të rrethojnë qytetin e vogël minerar Bakhmut.
Rusia po përpiqet të ndërpresë linjat e cenueshme të furnizimit të mbrojtësve ukrainas në qytet dhe t’i detyrojë ata të dorëzohen ose të tërhiqen.
