Kreu i grupit mercenar rus Wagner Yevgeny Prigozhin ka deklaruar se Ukraina po përgatit një kundërofensivë pranë qytetit lindor Bakhmut.
“Është një fakt i njohur që armiku po përgatit një kundërofensivë. Sigurisht, ne po bëjmë gjithçka që mundemi që kjo të mos ndodhë,” pohoi Prigozhin në rrjetet sociale.
Ai shtoi se ushtria e tij private kishte hapur qendra rekrutimi në 42 qytete në një përpjekje për të plotësuar me ushtarë radhët e saj pasi pësoi humbje të mëdha gjatë luftimeve në qytet.
Prigozhin pretendoi se shumë luftëtarë të rinj po regjistroheshin, por nuk dha asnjë shifër konkrete për numrat e përfshirë.
