LIVE: Gjermania i jep goditjen e rëndë Rusisë; Kremlini bën paralajmërimin e frikshëm

Shefi i Grupit Wagner duket se po pretendon për të sfiduar presidenti rus, Vladimir Putin për zgjedhjet presidenciale që do të mbahen në vitin 2024.

Në një intervistë të fundit për mediat ruse, analistët besojnë se Prigozhin ka lënë të kuptohet për ambiciet për të sfiduar Putinin për zgjedhjet e ardhshme.

Sipas Institutit për studimin e Luftës ‘ intervista ishte e rëndësishme për formatin e saj unik’ dhe se ‘Prigozhin dukej se imitonte mënyrën se si Vladimir Putin filmon takimet e tij publike, ose për të tallur Putinin në heshtje ose për të sugjeruar në mënyrë delikate se Prigozhin mund të bëhej president si Putin”.

“Koreografia dhe vënia në skenë e intervistës së Prigozhin e vendos atë përballë audiencës së tij në të njëjtën mënyrë siç bëjnë zakonisht takimet e filmuara dhe fotot e Putinit. Ky stil filmimi është i pazakontë për Prigozhin, pasi deklaratat publike të videove të tij zakonisht nuk përdorin një format tjetër. Shefi i Wagner Group “mund të kërkojë të parodizojë stilin kinematografik të Putinit si pjesë e një fushate më të madhe trolling për të sulmuar Kremlinin ose për të tërhequr paralele të heshtura midis Prigozhin dhe zyrës së presidencës ruse”, thonë analistët.

“Sjellja e fundit e Prigozhin, tregon se ka aspirata më të mëdha politike”, përfundon analiza.

Ministria e Jashtme e Suedisë ka thënë se do të thërrasë ambasadorin rus për t'u ankuar për një "përpjekje për ndërhyrje" në procesin e aplikimit suedez në NATO, përcjell Bota sot.

Stokholmi po kërkon anëtarësimin në aleancë së bashku me Finlandën dhe shpreson të përfundojë procesin këtë vit.

Por ambasadori rus tha në një deklaratë në faqen e internetit të ambasadës se bashkimi me NATO-n i bëri vendet nordike "një objektiv legjitim për masat hakmarrëse ruse, duke përfshirë ato të natyrës ushtarake".

Një zëdhënës i ministrisë së jashtme suedeze i tha agjencisë së lajmeve Reuters se ambasadori do të thirrej - me ministrin e jashtëm të saj që i përshkruan vërejtjet si "një përpjekje e dukshme për ndërhyrje".

Sipas një analize të inteligjencës ushtarake britanike, mungesa në radhët e ushtrisë mund të pengojë ofensivën ruse në Bakhmut duke lehtësuar në këtë mënyrë shqetësimet e presidentit ukrainas.

“Sulmet ruse janë ende në një nivel të reduktuar në krahasim me javët e fundit,” tha ministria e mbrojtjes në një deklaratë.

“Një nga arritjet kryesore të operacioneve të fundit ukrainase ka të ngjarë të jetë përparimi i luftëtarëve të grupit Wagner nga rruga 0506.”

0506 mund të jetë vetëm një rrugë fshati, por është bërë një linjë kritike furnizimi për trupat ukrainase.

Rikujtojmë se Zelenskyy paralajmëroi se humbja e Bakhmut mund të rezultojë në një sfidë për Ukrainën, gjë që mund ta detyrojë vendin të bëjë një kompromis me Rusinë.

Ushtria ukrainase ka thënë se forcat e saj kanë zmbrapsur më shumë sulme ruse në Bahmut, teksa presidenti ukrainas, Volodymyr Zelensky, ka thënë se Kievi nuk mund ta përballojë humbjen e betejës në këtë qytet në rajonin e Donjeckut.

“Armiku vazhdon sulmet në qytetin e Bahmutit”, ka thënë Shtabi i Përgjithshëm i ushtrisë ukrainase në raportin ditor.

“Megjithatë, mbrojtësit tanë janë duke e mbajtur me kurajë qytetin, duke zmbrapsur një mori të sulmeve të armikut”, ka thënë mes tjerash ushtria.

Bahmuti, bashkë me qytetet tjera Avdivka, Marinka dhe Liman, janë shënjestrat kryesore të Rusisë, sipas ushtrisë ukrainase.

Duke folur për rëndësinë e kontrollit të Bahmutit, Zelesky ka paralajmëruar se fitorja e Rusisë në atë qytet mund të përdoret nga presidenti rus, Vladimir Putin si kusht në ndonjë marrëveshje eventuale për paqe, çka nënkupton se Ukraina do të duhej të bënte kompromise të dhimbshme.

Putin “do t’ia shiste këtë fitore Perëndimit, popullit të tij, Kinës, Iranit”, ka thënë Zelensky në një intervistë për agjencinë e lajmeve, Associated Press.

Komandantët ushtarakë ukrainas kanë thënë se kundërofensiva e tyre mund të ndodhë shpejt, mirëpo ndërkohë dëshirojnë që ta ruajnë edhe kontrollin në Bahmut.

Më 28 mars, Zelensky ka thënë se bota duhet të reagojë me më shumë urgjencë për ta ndaluar agresionin rus.

Ai ka thënë se beson se “agresioni rus mund të përfundojë shumë më shpejt” sesa që disa kanë menduar.

Do të përfundojë më shpejt “nëse bota vepron më shpejt, nëse bota është më e vendosur”, ka deklaruar ai para popullit.

Lufta në Ukrainë ka nisur më 24 shkurt 2022.

Presidenti rus, Putin, e quan luftën si “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre./REL

Finlanda dhe Suedia do të bëhen “objektiva legjitime” të masave hakmarrëse të Rusisë pasi të bëhen vende anëtare të NATO-s, tha dje ambasadori rus në Stokholm, duke sjellë përsëri në plan të parë retorikën kërcënuese të Moskës.

“Pasi Finlanda dhe Suedia t’i bashkohen” Organizatës së Traktatit të Atlantikut të Veriut, “gjatësia totale e kufirit të Rusisë me NATO-n pothuajse do të dyfishohet,” tha ambasadori Viktor Tatarintsev.

“Nëse dikush ende mendon se kjo në një mënyrë ose në një tjetër do të përmirësojë sigurinë e Evropës, të jetë i sigurt se anëtarët e rinj të aleancës armiqësore do të bëhen objektiva legjitime të masave hakmarrëse ruse, përfshirë masat e natyrës ushtarake”, shtoi diplomati rus.

Paralajmërimi erdhi pasi Moska u duk se kishte lënë mënjanë kërcënimet ndaj kryeqyteteve të dy vendeve nordike në muajt e fundit pas vendimit të tyre në maj 2022 për të vazhduar me aplikimet për t’u bashkuar me aleancën Atlantike.

Finlanda, një vend fqinj me Rusinë, tani po pret vetëm ratifikimin e pranimit të saj nga parlamenti turk, i premtuar nga presidenti Recep Tayyip Erdogan, për t’u anëtarësuar në NATO. Sa i përket Suedisë, kandidatura e saj aktualisht po përballet me veton e Ankarasë dhe vonesën e ratifikimit të saj nga parlamenti hungarez.

Megjithatë, Stokholmi ende shpreson të sigurojë anëtarësimin e tij përpara samitit të ardhshëm të NATO-s në korrik në Vilnius.

Shtetet e Bashkuara kërkuan sot krijimin e një gjykate speciale për të hetuar “agresionin” rus në Ukrainë dhe që do të bazohej “në sistemin gjyqësor ukrainas”.

“Shtetet e Bashkuara mbështesin krijimin e një gjykate speciale për krimin e agresionit kundër Ukrainës, në formën e një gjykate ndërkombëtare që do të bazohej në sistemin gjyqësor ukrainas dhe do të përfshinte aktorë ndërkombëtarë”, tha një zëdhënës i Departamentit të Shtetit. I njëjti zyrtar tha se Uashingtoni dëshiron që kjo gjykatë të ketë “mbështetje të konsiderueshme ndërkombëtare, veçanërisht nga partnerët tanë evropianë” dhe “idealisht” të jetë me bazë në një vend evropian.

Është hera e parë që Shtetet e Bashkuara, një vend tradicionalisht ngurrues për të bashkëpunuar me gjykatat ndërkombëtare, e ka bërë të qartë se favorizon krijimin e një gjykate të tillë për të gjykuar krimet e kryera pas pushtimit rus të Ukrainës më 24 shkurt 2022. Kjo ide është gjithashtu mbështetur nga evropianët, të cilët kishin propozuar krijimin e gjykatës që në nëntorin e kaluar.

Pak ditë më parë, Gjykata Penale Ndërkombëtare me seli në Hagë lëshoi ​​një urdhër arresti kundër presidentit rus Vladimir Putin për krime lufte, duke e akuzuar atë për rrëmbimin e fëmijëve nga Ukraina.

Rusia nuk e njeh juridiksionin e GJNP-së. ICC është përgjegjëse për krimet e luftës dhe krimet kundër njerëzimit të kryera në Ukrainë, por jo për “krimin e agresionit” të Rusisë në atë vend.

Të hënën, i dërguari i posaçëm i SHBA për drejtësinë ndërkombëtare Beth Van Schaak tha se SHBA do të dëshironte që gjykata speciale të kishte burime dhe staf ndërkombëtar. “Ne besojmë se kjo gjykatë e ndërkombëtarizuar, por e bazuar në sistemin gjyqësor ukrainas do të ofrojë shansin më të mirë të drejtësisë”, shtoi ajo në një fjalim në Universitetin Katolik të Amerikës.

Van Schaak tha se gjykata speciale mund të vendoset në një vend tjetër evropian, të paktën fillimisht, “në mënyrë që të forcojë orientimin e dëshiruar evropian të Ukrainës”.

Shtetet e Bashkuara kanë informuar Moskën se nuk do të ndajnë më të dhëna për forcat e saj bërthamore, tha një zëdhënës i Shtëpisë së Bardhë, duke shpjeguar se ndryshimi është përgjigja e Uashingtonit ndaj vendimit të Rusisë për të pezulluar pjesëmarrjen e saj në traktatin e ri START për të reduktuar armët sulmuese strategjike.

“Sipas ligjit ndërkombëtar, Shtetet e Bashkuara kanë të drejtë t’i përgjigjen shkeljeve të Rusisë të traktatit të ri START duke marrë kundërmasa proporcionale dhe të kthyeshme për të nxitur Rusinë të përmbushë detyrimet e saj,” tha një zëdhënës i Këshillit të Sigurisë Kombëtare.

“Kjo do të thotë se për shkak se pezullimi i pretenduar nga Rusia i Traktatit të Ri START është ligjërisht i pavlefshëm, SHBA-ja lejohet ligjërisht të ndalojë përditësimin tonë të të dhënave dyvjeçare në përgjigje të shkeljeve të Rusisë”, shtoi i njëjti zëdhënës.

Ne kemi armë të afta për të shkatërruar SHBA-në, thotë aleati i Putinit

Aleati i Vladimir Putinit paralajmëroi 24 orë më parë se Rusia ka armët për të shkatërruar çdo armik, përfshirë Shtetet e Bashkuara, nëse ekzistenca e tij kërcënohet, ndërsa akuzon Uashingtonin se nënvlerëson fuqinë bërthamore të Moskës.

Komentet e Nikolai Patrushev, sekretarit të Këshillit të Sigurimit të Rusisë, janë të fundit nga një zyrtar i lartë rus për të ngritur spektrin e një përballjeje bërthamore midis dy fuqive më të mëdha bërthamore në botë, diçka që Moska thotë se dëshiron ta shmangë.

“Politikanët amerikanë të kapur në propagandën e tyre mbeten të bindur se, në rast të një konflikti të drejtpërdrejtë me Rusinë, Shtetet e Bashkuara janë në gjendje të lëshojnë një sulm parandalues ​​raketor, pas të cilit Rusia nuk do të jetë më në gjendje të përgjigjet. Kjo është marrëzi dhe shumë e rrezikshme”, tha Patrushev duke folur sot për gazetën ruse Roshskaya Gazeta.

“Rusia është e duruar dhe nuk frikëson askënd me avantazhin e saj ushtarak. Por ajo ka armë moderne unike të afta për të shkatërruar çdo kundërshtar, përfshirë Shtetet e Bashkuara, në rast të një kërcënimi për ekzistencën e tij”, shtoi ai. 

Papa Françesku ka shprehur gatishmërinë që të veprojë si ndërmjetës në negociatat midis Kishës Ortodokse kanonike të Ukrainës (UOC) dhe Kishës Ortodokse skizmatike të Ukrainës (OCU) në situatën që përfshin dëbimin e murgjve të UOC nga manastiri i Kiev-Pechersk Lavra, sipas Kryetarit të Unionit Botëror të Besimtarëve të Vjetër.

“Ai më tha se është gati të bëhet ndërmjetës për të lejuar UOC dhe OCU të diskutojnë të gjitha çështjet personale. Ai mund të shërbejë si ndërmjetës, ai mund të ndihmojë UOC të mbrojë qëndrimin e saj.

“Nëse ka një problem me vendosjen e marrëdhënieve dhe komunikimin e pozicioneve, ai është i gatshëm të veprojë si ndërmjetës”, tha Leonid Sevastyanov.

Ai saktësoi se Papa nuk kishte mekanizma ligjorë të ndihmës përveç thirrjeve për paqe dhe negociata.

Rusia aktualisht nuk ka asnjë kontakt me Shtetet e Bashkuara për Traktatin e Reduktimit Strategjik të Armëve, tha ministri i Jashtëm Sergej Lavrov ditën e sotme.

Më 21 shkurt, Presidenti rus Putin njoftoi në fjalimin e tij për gjendjen e kombit se Moska po pezullonte pjesëmarrjen e saj në traktatin e ri START, por nuk po tërhiqej prej tij.

Sipas kreut të shtetit, përpara se të rifillojë çdo diskutim për vazhdimin e punës sipas traktatit, Rusia duhet të kuptojë vetë se si dokumenti do të faktorizojë në arsenalet e fuqive të tjera bërthamore të NATO-s, Mbretërisë së Bashkuar dhe Francës, së bashku me rezervat bërthamore të SHBA-së. 

Gjermania po planifikon të rrisë shpenzimet e saj të ndihmës ushtarake për Ukrainën , tha një anëtar i komitetit parlamentar të buxhetit për AFP.

Rreth 12 miliardë euro (12.9 miliardë dollarë) më shumë shpenzime do të miratohen nga komiteti, me fondet që do të shkojnë për ndihmën ushtarake për Kievin , si dhe për rimbushjen e stoqeve të pajisjeve të dërguara tashmë në Ukrainë .

Ushtria gjermane , ose Bundeswehr , do të jetë në gjendje të fillojë të shpenzojë paratë këtë vit, me fonde të tjera të destinuara gjithashtu për vitet e ardhshme.

Ishte e paqartë se si do të ndahej shuma si dhe afati i saktë kohor i mbuluar nga shpenzimet.

Shuma do të zvogëlonte tre miliardë eurot e shpenzuara deri më tani nga Berlini për ndihmën ushtarake për Kievin.

Komiteti do të votojë në mënyrë specifike sot për rimbushjen e stoqeve të Panzerhaubitze 2000 të dërguara në Ukrainë, tha burimi.

Sipas Berlinit, së bashku me Holandën, Gjermania ka dërguar 14 prej obuseve vetëlëvizëse në Ukrainë.

Gjermania ka dërguar gjithashtu 18 tanke të avancuara Leopard dhe rreth 40 automjete luftarake këmbësorie Marder në Ukrainë, si dhe një sistem të mbrojtjes ajrore.

Sipas revistës Der Spiegel, Ministria e Financave i quajti shpenzimet shtesë “objektivisht të domosdoshme” në një letër duke i kërkuar komitetit të buxhetit të lëshonte shumën.

Pa mbështetje të vazhdueshme, do të kishte “një rrezik serioz që Ukraina të humbiste luftën e saj mbrojtëse kundër agresorit rus, me pasoja të paparashikueshme për rendin e paqes evropiane”, tha ai.