Danimarka planifikon të rrisë shpenzimet e saj për ndihmën ushtarake për Ukrainën me 2.59 miliardë dollarë gjatë këtij viti dhe të ardhshëm.
Ky lajm u bë i ditur nga kryeministrja Mette Frederiksen, pretendente e mundshme për t’u bërë shefja e re e NATO-s.
Danimarka, me një popullsi prej më pak se gjashtë milionë, në mars krijoi një fond prej 1 miliard dollarësh për ndihmën ushtarake, civile dhe të biznesit për Ukrainën në vitin 2023.
Përgjigje për këtë fond dha presidenti ukrainas Volodymyr Zelensky, i cili shprehu mirënjohjen për ndihmën që do t’i shërbejë vendit të tij gjatë luftës.
“Ky kontribut i madh do të forcojë më tej aftësitë luftarake të forcave të armatosura të Ukrainës në afat të shkurtër dhe afatmesëm”, tha ai.
