Udhëheqësi kinez, Xi Jinping dhe diplomati i lartë amerikan, Antony Blinken do të takohen në Pekin të hënën, tha një zyrtar i Departamentit të Shtetit të SHBA-së, në një hap potencialisht vendimtar drejt rregullimit të marrëdhënieve SHBA-Kinë, të cilat kanë qenë mjaft të tensionuara kohët e fundit.
Blinken është Sekretari i parë i Shtetit tq SHBA-ve që viziton Pekinin në pesë vjet dhe bisedimet me zyrtarë të lartë kinezë shihen si një provë kyçe për marrëdhëniet e tyre. Takimi mes presidentit kinez dhe diplomatit të lartë amerikan u njoftua publikisht vetëm në orët e fundit.
Dy fuqitë globale kanë qenë gjithnjë e më shumë në mosmarrëveshje për një sërë çështjesh, duke filluar nga lidhjet e ngushta të Pekinit me Moskën e deri te përpjekjet amerikane për të kufizuar shitjen e teknologjive të avancuara në Kinë.
Tensionet mes dy vendeve u rritën edhe për shkak të balonës spiune kineze.
