LIVE: Shfaqet Putini, ua ofron tri opsione mercenarëve të Wagner – Rusia publikon pamjet, avionë britanikë iu afruan kufirit!

Yevgeny Prigozhin mbetet nën hetim në lidhje me kryengritjen e së shtunës, ka sugjeruar një raport i medias ruse.

Udhëheqësi Wagner i largoi luftëtarët e tij mercenarë pasi arriti një marrëveshje me Kremlinin që përfshinte të gjitha akuzat që u hodhën kundër tij dhe njerëzve të tij.

Megjithatë, gazeta ruse Kommersant ka raportuar se çështja penale kundër tij për organizimin e një rebelimi të armatosur nuk është mbyllur dhe është ende duke u hetuar nga shërbimi rus i sigurisë FSB.

Prigozhin, i cili është detyruar të transferohet në Rusi sipas marrëveshjes, nuk ka komentuar ende për kushtet e marrëveshjes.

Presidenti i Rusisë, Vladimir Putin është “lakuriq” dhe rebelimi i shkurtër i udhëhequr nga Yevgeny Prigozhin tregon se mund t’i bëhen kërcënime serioze regjimit të tij, tha presidenti i Lituanisë.

Gitanas Nauseda u shpreh i shqetësuar për sigurinë kombëtare të vendit të Lituanisë.

“Sekuenca e ngjarjeve ka treguar se mbreti është i zhveshur dhe se kolonat ushtarake të kësaj madhësie mund të marshojnë aq larg sa të përbëjnë një kërcënim themelor për regjimin (rus)“, tha presidenti pas një takimi të këshillit shtetëror të mbrojtjes së Lituanisë.

Në fokus qëndron situata në Bjellorusi, ku është zhvendosur Yevgeny Prigozhin, tha zyra e zotit Nauseda. Gjatë takimit u vendos se “kërcënimi i aktiviteteve të paligjshme në kufirin Lituano-Bjellorusi, përfshirë provokime të ndryshme, po rritet”.

Kjo kërkon “forcimin” e “sigurisë së kufijve lindorë të Lituanisë dhe NATO-s”.

Sekretari i Përgjithshëm i OKB-së, António Guterres u bëri thirrje të gjitha palëve të përfshira që “të veprojnë me përgjegjësi dhe me synimin për të shmangur tensionet e mëtejshme” në një deklaratë të lëshuar në përgjigje të ngjarjeve të fundit në Rusi.

“Sekretari i Përgjithshëm ka ndjekur me shqetësim zhvillimet në Federatën Ruse.

Ai është në dijeni të raporteve të fundit në lidhje me hapat për të ulur tensionet”, u shpreh OKB.

Në deklaratë thuhet më tej se Guterres u bën thirrje të gjithë palëve, duke iu referuar Wagner dhe qeverisë ruse, që të vazhdojnë të veprojnë me përgjegjësi dhe me synimin për të shmangur tensionet e mëtejshme në Rusi.

Grupi Wagner hoqi dorë ditën e djeshme nga grushti i shtetit, pas arritjes së një marrëveshjeje me Vladimir Putin, me ndërmjetësimin e Lukashenkos.

Por pas kësaj asgjë nuk dihet më për Yevgeny Prigozhin, i cili thuhet se është zhdukur. Ditwn e djeshme u raportua se ai udhwtoi drejt Bjellorusisw, dhe për herë të fundit duke u futur në një makinë në Rostov-on-Don teksa bënte selfie me fansat dhe u mirëprit nga një hero pas rebelimit të tij të dështuar.

Por shefi i Wagner nuk shihet askund, pa asnjë tregues se ai ka mbërritur në Bjellorusi sipas marrëveshjes së tij sekrete me Kremlinin.

Ekipi i shtypit i Prigozhin tha në një deklaratë se ai nuk mund të kontaktohet për momentin - por këmbënguli se ai do t'i përgjigjet të gjitha pyetjeve kur të kontaktojë.

Mediat ruse Meduza dhe RTVI raportuan se vendndodhja e tij aktualisht është "e panjohur".

Mesazhi i tij i fundit ishte udhëzimi i tij për njerëzit e tij që të largoheshin për të shmangur gjakderdhjen dhe për t'i dhënë fund rebelimit të tij të shpejtë. Prigozhin zakonisht poston rreth një duzinë herë në ditë - por deri më tani ka qenë heshtja e radios.

Mungesa e tij nxit më tej intrigën rreth 24 orëve të çuditshme që pa Rusinë në dukje të shtyrë në prag të kolapsit - me sekretarin amerikan të shtetit Antony Blinken që tha se regjimi si "të çara të vërteta".

Ukraina ka filluar kundërofensivën në jug dhe lindje të vendit, duke paralajmëruar se regjimi i presidentit rus Vladimir Putin do të kolapsojë, pas revoltave kundër Kremlinit që i ka shfaqur grupi mercenar Wagner.

Pjesëtarët e këtij grupi famëkeq janë rikthyer në bazat e tyre në orët e vona të shtunës, pasi Putini u pajtua që lideri i tyre të mos ndiqet penalisht dhe të pranojë largimin e tij në Bjellorus.

Ministria ruse e Mbrojtjes në raportin e fundit tha se ushtarët ukrainas po shfrytëzojnë përvojën e tyre në kundërofensivë, për të depërtuar më thellë në pozicionet mbrojtëse të rusëve.

Madje kanë pranuar haptazi se njësitë ukrainase po bëjnë avancim gradual në rajonet kyçe, për rrjedhën e mëtejme të kësaj lufte.

Një video amatore që u realizua me kamerë të vendosur në helmetën e ushtarit ukrainas, tregon intensitetin e luftës në lindje dhe jug të vendit.

Aty shihen ukrainasit duke depërtuar thellë në istikamet e rusëve, duke i detyruar të tërhiqen – ndërsa ata që refuzonin e paguanin me jetë.

Në video ushtarët ukrainas bëjnë avancim të paparë – duke mos u trembur për asnjë moment dhe vazhdimisht, duke shtyrë prapa rusët që kishin zënë pozicionet e tyre mbrojtëse.

Qeveria e Australisë po përgatitet të dërgojë një paketë të re pajisje ushtarake prej 110 milionë dollarësh ( rreth 67.5 milionë euro) në Ukrainë, duke përfshirë rreth 70 automjete të blinduara, për të ndihmuar ushtrinë ukrainase të mbrohet kundër një pushtimi nga Rusia, ka njoftuar kryeministri i vendit oqeanian, Anthony Albanese.

Me paketën e re të pajisjeve, ndihma totale arrin 790 milionë dollarë Australianë, që nga shpërthimi i luftës në shkurt 2022.

Albanese siguroi se ndihma shtesë do të “bënte një ndryshim të vërtetë”.

Ai theksoi se shpallja e ndihmës së re nuk lidhet me rebelimin e mercenarëve të Wagner-it. “Ne kemi punuar për këtë propozim, i cili do të diskutohet sot në kabinet, prej disa kohësh”, shpjegoi kryeministri australian.

Australia është ndër vendet që ka ofruar më shumë ndihmë për Ukrainën përtej anëtarëve të NATO-s, duke përfshirë municione, automjete të blinduara Bushmaster dhe më shumë artikuj, ndërsa ndaloi gjithashtu eksportet e aluminit dhe artikujve të tjerë në Rusi dhe vendosi sanksione për rreth 1000 individë dhe subjekte ruse.

Gjithashtu, për të stimuluar ekonominë e Ukrainës, Anthony Albanese tha se importet e produkteve të ndryshme nga Ukraina do të mbeten pa doganë edhe për 12 muaj të tjerë.

Në këtë paketë do të përfshihen 28 transportues të blinduar (APV) të tipit M113, 14 automjete të operacioneve speciale, 28 kamionë të përmasave mesatare, etj.