Forcat Ajrore të Ukrainës kanë publikuar disa pamje ku duket se tregojnë momentin kur bombardohen pozicionet ruse me raketa amerikane ‘Zuni’ përmes aeroplanëve luftarakë Su-25.
Ajo çka mund të shihet në këto pamje janë ato shkëndijat e lëshuara nga dy aeroplanët luftarakë ukrainas që fluturojnë mbi pozicionet e forcave kundërshtare.
Videoja nuk është verifikuar në mënyrë të pavarur.
Në muajin janar, SHBA-ja kishte njoftuar se do të transferojë 4,000 raketa ‘Zuni’ në Ukrainë.
Ukraina tani siç duket po i përdor këto raketa në aeroplanët e tyre luftarakë Su-25.
Këta aeroplanë janë zhvilluar gjatë Bashkimit Sovjetik, dhe si Ukraina ashtu edhe Rusia i posedojnë këta aeroplanë.
