Kryeministri i Kamboxhias i ka kërkuar Ukrainës të mos përdorë bomba thërrmuese, duke paralajmëruar vendin se do të jetë populli i saj që do të bëhet "viktima e vërtetë", përcjell Bota sot.
Hun Sen, vendi i të cilit ende po merret me mbetjet e armëve të diskutueshme të hedhura nga SHBA në fillim të viteve 1970, i kujtoi Joe Biden dhe Volodymyr Zelenskyy për rreziqet e përdorimit të tyre.
“Do të ishte rreziku më i madh për ukrainasit për shumë vite ose deri në njëqind vjet nëse bombat thërrmuese përdoren në zonat e pushtuara nga Rusia në territorin e Ukrainës”, shkroi ai në Twitter.
"Ka kaluar më shumë se gjysmë shekulli. Nuk ka pasur ende mjete për t'i shkatërruar të gjitha," tha ai duke iu referuar situatës në Kamboxhia.
“Si keqardhje për popullin ukrainas, i bëj thirrje presidentit amerikan si furnizues dhe presidentit ukrainas si marrës që të mos përdorë bomba thërrmuese në luftë, sepse viktimat e vërteta do të jenë ukrainasit”.
