Bashkimi Evropian ka ndaluar eksportet e pajisjeve të fushëbetejës dhe pjesëve të aviacionit në Bjellorusi, pasi zgjeron programin e sanksioneve kundër aleatëve rusë, përcjell Bota sot.
Motorët e avionëve dhe ato që përshkruhen si "mallra të fushës së betejës dhe aviacionit me përdorim të dyfishtë" janë ndër produktet e ndaluara.
Kryesimi i rradhës i BE-së aktualisht mbahet nga Spanja.
Delegacioni spanjoll i BE-së i përshkroi sanksionet si një përgjigje ndaj "situatës në Bjellorusi dhe përfshirjes së Bjellorusisë në agresionin rus kundër Ukrainës".
Vendimi do të hyjë në fuqi vetëm nga e premtja, për sa kohë që asnjë nga 27 shtetet anëtare nuk ka asnjë refuzim të minutës së fundit.
Vendosja e sanksioneve kërkon miratimin e të 27-ve, diçka që ka munguar për një paketë më të gjerë kufizimesh që do të synonin industrinë bjelloruse.
