LIVE: ‘Makthi’ i Putinit, ky është qëllimi i Ukrainës – dalin detaje për skenarin e ri të luftës!

Forcat ukrainase çliruan territoret e pushtuara nga rusët pranë fshatit Robotine në rajonin e Zaporizhia, në pjesën jugore të vendit.

“Në drejtim të Tavrisë”, shkruan gjenerali Oleksandr Tarnavskiy, komandanti i forcave ukrainase në frontin jugor, në një postim që bëri vonë në platformën Telegram. “Territoret u çliruan. Forcat (ukrainase) vazhdojnë punën e tyre”, shtoi ai.

Megjithatë, gjenerali Tarnavski nuk specifikoi saktësisht se cilat komunitete u çliruan.

Duke iu referuar viktimave në kampin e Moskës, gjenerali ukrainas tha se 80 ushtarë u vranë dhe 160 të tjerë u plagosën në luftimet gjatë 24 orëve të fundit, ndërsa ai pretendoi se dy ushtarë rusë ishin kapur.

Mirëpo, agjencia e lajmeve Reuters thekson se nuk është në gjendje të verifikojë pretendimet në lidhje me fushën e betejës.

Pothuajse 18 muaj që nga fillimi i luftës, cili është qëllimi aktual i Ukrainës?

Në një postim të gjatë në X (ish Twitter), Mykhailo Podolyak, këshilltar i kreut të zyrës së Volodymyr Zelenskyy, ka shpjeguar këtë.

Ai shkruan: “Qëllimi strategjik i Ukrainës, përveç kthimit të pakushtëzuar të territoreve, është krijimi i kushteve që e bëjnë të pamundur përsëritjen e agresionit në të ardhmen”.

Territori është vendimtar, thotë zoti Podolyak, duke shtuar se çdo “skenar i ngrirjes së luftës”, në të cilin mbahen aneksimet aktuale ruse, do të ishte i papranueshëm.

Kjo për shkak se një situatë e tillë – sipas tij – “vetëm do ta inkurajonte Moskën të rrisë oreksin e saj dhe t’i rikthehet luftës pas një pushimi të shkurtër”.

Podolyak thotë më tej se nuk ka “asnjë alternativë” ndaj formulës së paqes së Kievit, e cila është: “Forcimi i ushtrisë, përshpejtimi i furnizimit me armë, de-okupimi i territorit, ndryshimi i regjimit në Rusi, kompensimi nga qeveria e re dhe ndëshkimi i detyrueshëm i kriminelët e luftës”. 

Mbrojtja ajrore e Rusisë ka rrëzuar të paktën katër drone sot. Kështu ka pretenduar sot ministria e Mbrojtjes në Moskë, shkruan Sky News.

Tre u rrëzuan mbi rajonin Belgorod të Rusisë jugore, tha ministria, ndërsa droni tjetër u kap mbi rajonin Kursk, në veri të Belgorodit.

Nuk ka viktima apo dëme, sipas informacioneve paraprake nga ministria.

Sulmet me dronë brenda Rusisë janë shtuar që kur një dron u shkatërrua mbi Kremlin në fillim të majit.

Një ironi e fortë qëndron në zemër të regjimeve autokratike. Ata nuk e nxisin mendimin ndryshe, punojnë për të shtypur kundërshtarët e tyre, dhe nuk angazhohen të mbajnë zgjedhje vërtet demokratike dhe as të lejojnë lirinë e medias. Megjithatë, mund të rrëzohen në çdo kohë, shpeshherë nga ata që janë më pranë tyre.

Mendoni pak për rastin e Nikita Khrushchev pas dështimit në Krizën e Raketave Kubane. Por historia ruse ofron jep dëshmi të rreziqeve të tjera për regjime të tilla. Pra për makthe që mund të bëhen reale me një shpejtësi të papritur, dhe që prodhojnë shumë dhunë dhe pa asnjëdallim.

Në Rusi, një episod i tillë quhet bezporyadok. Kjo fjalë përkthehet si “çrregullim”, por në kontekstin rus do të thotë një përçarje e dhunshme në shoqërinë tradicionale, përfshirë mbi normat e vjetra të pasivitetit dhe pajtueshmërisë.

Në këtë situatë anarkike, sistemet në dukje të pakundërshtueshme përballen me revolta, trazira dhe atentate ndaj të gjitha formave të autoritetit ekzistues, përfshirë ata që janë në krye. Rusia ka përjetuar kryengritje të tilla në të kaluarën e largët por edhe jo aq të largët.

Gjatë viteve 1773–1775 kozaku Yemelyan Pugachev (një oficer i pakënaqur i ushtrisë) udhëhoqi një rebelim kundër Carinës Katerina II. Në vitet 1670-1671 Stenka Razin bëri të njëjtën gjë kundër Car Aleksit. Më së afërmi në kohë, trazirat fshatare çuan Revolucionin e Parë Rus të vitit 1905, dhe e detyruan Carin Nikolla II të bënte lëshime për një parlament të ri.

Gati 12 vjet më vonë, dinastisë Romanov i erdhi fundi, pasi socialistët shfrytëzuan sulmetmbarëkombëtare ndaj pronarëve të tokave dhe humbjen morale të Luftës së Parë Botërore,për të varrosur 400 vitet e sundimit carist, dhe pak më vonë vetë Carin.

Shumë shpejt, dhe për më shumë se një dekadë, sundimtarët bolshevikë u përballën me trazira fshatare që ishin jo pak sfiduese për regjimin e ri. Frika e elitës ruse nga shpërbërja sociale e vendit, është një shpjegim i mundshëm për marrëveshjen e çuditshme dhe të favorshme që arriti Vladimir Putin me udhëheqësin rebel të mercenarëve Yevgeny Prigozhin.

Moska hoqi akuzat penale për kryengritje kundër Prigozhin dhe njerëzve të tij, dhe vetë Prigozhin u lejua të strehohet në Bjellorusi. Trupat e ushtrisë private të Prigozhin, Grupi Wagner, mund të rikthehen në bazën e tyre dhe madje të bashkohet me ushtrinë e rregullt nëse bien dakord që të nënshkruajnë kontrata me Ministrinë ruse të Mbrojtjes.

Kjo marrëveshje u arrit vetëm disa orë pasi Putin e akuzoi Prigozhin për “tradhti shtetërore” dhe rrezikim të shkaktimit të një lufte civile. Ai tha se do të merrte masa të ashpra kundër të gjithë atyre që e ndiqnin. Nga ana e tij, Prigozhin pretendoi se ajo që bëri nuk ishte një grusht shteti, por një “marshim për drejtësi” kundër regjimit të korruptuar që po e çonte vendin në katastrofë.

Meqë objektivat e tij kryesore ishin aleatët e ngushtë të Putinit (Ministri i Mbrojtjes SergeiShoigu dhe gjenerali më i lartë i ushtrisë ruse, Valery Gerasimov), ky nuk mund të ishte asgjë tjetër veçse një sulm ndaj vetë presidentit Putin.

Pasi trupat e Wagner u larguan në Bjellorusi, Putini fajësoi Prigozhin (por edhe Perëndimin) se donte që Rusia të ishte “një shoqëri që shpërbëhej si pasojë e një grindjeje të brendshme të përgjakshme”. Ai ia vuri fajin udhëheqësit të Ëagner, ndërsa justifikoi veprimet e trupave të tij, duke thënë se ata ”gabuan” pasi ishin gënjyer.

Ky është një durim i jashtëzakonshëm nga një regjim që ka burgosur disidentë si AlexeiNavalny vetëm sepse kanë folur kundër tij, dhe që ka qenë i implikuar drejtpërdrejt në helmimin dhe vrasjen e kundërshtarëve politikë.

Analogjitë historike janë gjithnjë të papërsosura, dhe vendosja e një udhëheqësi kombëtar në shtratin e një psikiatri, për të spekuluar nëse ka pasur në mendje precedentët e tmerrshëm të vendit, nuk bën ndonjë ndryshim. Megjithatë, asnjë sundimtar rus i kohëve të fundit, nuk ka qenë më i fiksuar pas historisë së vendit të tij apo më i etur për të bërë krahasime sesa Vladimir Putin.

Ai u tërhoq nga këto krahasime për të grumbulluar mbështetje popullore, duke i krahasuar veprimet e Prigozhin me ata që “vodhën” fitoren e Rusisë në Luftën e Parë Botërore në vitin 1917, dhe e kërcënuan vendin me “trazirat më të mëdha”. Në këtë analogji, Putin vendoset në rolin e Carit që e humbi luftën dhe më pas edhe jetën e tij.

Prandaj nuk është e pamundur të imagjinohet që udhëheqësi aktual i Rusisë ishte i tmerruar nga perspektiva e përplasjes së armatosur me Prigozhin në Moskë. Prigozhin dhe trupat e tij ishin në gjendje të lëviznin nga Ukraina përmes Rostovit dhe Voronezhit në Rusi, më shumë se 640 km drejt Moskës në më pak se 2 ditë.

Gjatë kësaj kohe, nuk pati asnjë raportim të vetëm të banorëve vendas që sulmuan apo u përpoqën të pengonin përparimin e autokolonës së armatosur rëndë. Përkundrazi, videot nga Rostovi treguan banorë vendas që brohorisnin, përqafonin dhe bënin foto me njerëzit e Prigozhin.

Kur Gjermania pushtoi Rusinë në vitin 1941, populli rus i dogji shtëpitë dhe të korrat për të dëmtuar pushtuesit. Prigozhin ishte vetëm 2 orë larg nga Moska dhe përveç fluturimeve të dështuara me helikopter nga forcat e regjimit, nuk u ngrit askush tjetër për ta ndaluar. Dështimi i rebelimit mund të duket tani i qartë, por jo për objektivat që ishin vendosur në atë moment.

Shumica e analistëve e shohin Putinin si të dëmtuar rëndë nga kjo kryengritje. Skenarët skicojnë një  grusht shteti të brendshëm, ose të paktën një elitë të dobësuar dhe të përçarë.

Edhe pse ky mund të jetë rasti, kërkimi ynë për një shpjegim për nxitimin jo karakteristik të Putinit për ta zgjidhur këtë krizë, mund të marrë në konsideratë faktin që udhëheqësi rus i fiksuar pas historisë i druhej pasojave të bezporyadok.

Shtatë persona humbën sot jetën, si pasojë e sulmeve ruse në rajonin e Khersonit, në jug të Ukrainës, njoftuan autoritetet vendase. Mes viktimave, ishte edhe një foshnje tre javëshe.

Sulmet në fshatin Shiroka Balka shuan një familje të tërë, prindërit, dy fëmijët, 12 vjeç dhe foshnjen, si dhe një banor tjetër. Dy burra u vranë në fshatin tjetër Stanislav, ku mbeti e plagosur edhe një grua.

Guvernatori i rajonit të Kherosnit, Oleksandr Prokudin tha sot se tre persona kishin mbetur të plagosur si pasojë e një tjetër sulmi që Rusia kishte kryer të shtunën.

Zyrtarët ushtarakë ukrainas thanë të shtunën në mbrëmje se forcat e Kievit kishin bërë përparim në jug, duke pretenduar njëfarë suksesi pranë një fshati kyç në rajonin jugor të Zaporizhzhias dhe duke marrë nën kontroll territore të tjera të papërcaktuara.

Në Rusi, zyrtarët lokalë njoftuan të dielën se sistemet e mbrojtjes ajrore rrëzuan tre dronë mbi rajonin Belgorod dhe një mbi rajonin fqinj Kursk, që të dy kufizohen me Ukrainën.

Ndërkohë në njoftimin e saj të përditshëm lidhur me agresionin rus ndaj Ukrainës, ministria britanike e Mbrojtjes tha se grupi mercenar Wagner ka luajtur një rol kyç në sulmin ushtarak të Rusisë, por ekziston një "shans real" që Kremlini të mos i sigurojë më fonde.

Ministria britanike tha se besonte se "ka të ngjarë që grupi Wagner të tkurret dhe të rikonfigurohet” për të kursyer para dhe se Kremlini kishte "vepruar kundër disa interesave" të shefit të Wagnerit, Yevgeny Prigozhin. Zyrtarët vlerësuan se pas Rusisë, autoritetet bjelloruse janë kontribuesit më të mëdhenj financiar për grupin Wagner. Mijëra luftëtarë të grupit Wagner u zhvendosën në Bjellorusi, aleate e Rusisë, sipas një marrëveshjeje që i dha fund rebelimit të tyre të armatosur ndaj Moskës në fund të qershorit ./VOA

Moska tha më 13 gusht se ka shtënë në shenjë paralajmërimi ndaj një anijeje me mallra, që ishte nisur drejt portit ukrainas të Izmailit.

Të shtënat u bënë nga një luftanije e Rusisë.

Ministria e Mbrojtjes së Rusisë tha se anija patrulluese Vasily Bykov, detektoi anijen me mallra duke lundruar nën flamurin e Palauit “në rrugë drejt portit ukrainas të Izmailit”.

Kapiteni i anijes së mallrave, Sukru Okan, nuk iu përgjigj kërkesës për t’u ndalur “për inspektim të transportimit të mallrave të ndaluara”.

“Për të detyruar anijen që të ndalej, ka pasur të shtëna paralajmëruese nga luftanija ruse”, tha Ministria e Mbrojtjes përmes një njoftimi.

Një helikopter që bartte personel ushtarak rus më pas ka shkuar për të inspektuar anijen, u tha në njoftim.

Pasi është kryer inspektimi, anija Sukru Okan, është lejuar që të vazhdojë lundrimin.

Izmail tani është porti kryesor prej ku Ukraina eksporton produktet e saj bujqësore.

Pas tërheqjes nga marrëveshja për eksportet e drithërave në korrik, Moska ka sulmuar qytetet-port në rajonin jugor ukrainas të Odesës, prej ku, sipas marrëveshjes paraprake, janë kryer eksportet kryesore të drithërave. /REL/

Gjashtë persona duke përfshirë një foshnjë janë vrarë pasi forcat ruse bombarduan dy fshatra në rajonin Kherson të Ukrainës jugore, tha ministri i brendshëm ukrainas, përcjell Bota sot.

Një çift, fëmija i tyre 23-ditor dhe një burrë tjetër u vranë në fshatin Shyroka Balka, ndërsa djali 12-vjeçar i çiftit u plagos rëndë, tha Ihor Klymenko.

Dy persona u vranë dhe një u plagos në fshatin fqinj Stanislav, i cili u godit 12 herë me artileri, tha zoti Klymenko.

"Terroristët nuk do të ndalojnë kurrë me dëshirë vrasjen e civilëve," shkroi ai në një postim në Telegram, i cili përmbante dy fotografi të shtëpive të dëmtuara.

"Terroristët duhet të ndalohen. Me forcë. Ata nuk kuptojnë asgjë tjetër."

Rusia humbi edhe 560 persona të tjerë dje, ka pohuar Ukraina, përcjell Bota sot.

Shtabi i përgjithshëm i forcave të saj të armatosura shkroi në Twitter se numri i përgjithshëm i viktimave të Moskës tani ishte 253,850.

Ai vlerëson humbjet e tankeve në 4298, dhe automjetet e blinduara të personelit në 8335.

Sky News nuk është në gjendje t'i verifikojë këto pretendime.

Një tabelë e re kufitare ukrainase është instaluar në ishullin e gjarpërinjve, përcjell Bota sot.

Territori ukrainas u bë i famshëm në fillim të pushtimit të Moskës, kur oficerët rusë në Moskë, flamuri i Flotës së Detit të Zi, morën me radio rojet ukrainase të vendosura atje dhe i urdhëruan ata të dorëzoheshin ose të vdisnin.

"Anije luftarake ruse, shko vetë", u përgjigj njëri prej tyre.

Fraza u bë një slogan kombëtar, i mbajtur në tabela, bluza dhe një pullë postare të Ukrainës.

Ishulli i gjarpërinjve ka pamje nga korsitë detare për në Odesa, porti kryesor i Ukrainës në Detin e Zi.

Më 14 prill të vitit të kaluar, dy raketa ukrainase goditën Moskën.

Ishte anija luftarake më e madhe e fundosur në 40 vjet.

Prodhuesi gjerman i automobilave dhe armëve, Rheinmetall, thuhet se do t’i dorëzojë ukrainasve një sistem të ri të droneve deri në fund të vitit.

Gazeta gjermane e së dielës “Bild am Sonntag” ka shkruar se kompania do të sigurojë sistemin e saj, Luna New Generation.

Paketa me sa duket do të përbëhet nga një stacion kontrolli tokësor me disa drone, një katapultë lëshimi dhe kamionë ushtarakë.

Sistemi me sa duket mund të përdoret gjithashtu për zbulim dhe mund të përgjojë ose bllokojë komunikimet, raporton skynews.

Rheinmetall thotë se dronët kanë një “strukturë trupore ultra të lehtë, por shumë të qëndrueshme të bërë nga CFRP (plastika e përforcuar me fibra karboni)”. Ata thuhet se ofrojnë kohë fluturimi më shumë se 12 orë.

Ndryshe, Ukraina më së shumit me drone është furnizuar nga shteti turk, gjegjësisht me Bayraktar.