Rusia tha se dronët ukrainas kishin goditur tre rajone të veçanta të dielën, duke plagosur pesë persona dhe duke detyruar dy nga aeroportet e Moskës - Vnukovo dhe Domodedovo - të devijojnë fluturimet, përcjell Bota sot.
Rajonet e Kurskut dhe Rostovit të Rusisë, të dyja kufizohen me Ukrainën, raportuan sulme me dron ndërsa ministria ruse e mbrojtjes tha se kishte bllokuar një dron ukrainas në rajonin e Moskës, duke e detyruar atë të rrëzohej në një zonë të papopulluar.
Guvernatori i rajonit Kursk tha se pesë persona ishin plagosur dhe një zjarr shpërtheu kur një dron goditi një stacion hekurudhor. Guvernatori i Rostov tha se nuk kishte pasur lëndime apo dëme.
