“Koalicioni që ndihmon luftën e Ukrainës kundër pushtimit të Moskës nuk do ta mbështeste Kievin nëse do të zhvendoste armiqësitë në territorin rus.”
Kështu u shpreh të dielën presidenti ukrainas, Volodymyr Zelensky, shkruan CNN.
“Besoj se ky është një rrezik i madh, patjetër që do të mbetemi vetëm”, tha ai në një intervistë për median kombëtare, ku u pyet nëse ishte koha për një lëvizje të tillë në tokën ruse. Zelensky tha se lufta e Ukrainës për të rimarrë territorin e saj është ndihmuar në mënyrë kritike nga marrëdhëniet e saj me aleatët.
Përparimi dhe përgjegjësia për Ukrainën në fushën e betejës “është gjithmonë dypalëshe”, theksoi Zelensky, duke shtuar se partnerët ndërkombëtarë janë pjesë e çdo fitoreje, çdo pengese në kundërsulm, çdo veprimi mbrojtës dhe çdo dobësie.
Zelensky beson se është e mundur “të shtyhet për çmilitarizimin e Rusisë” në Krime me mjete politike.
