Kryebashkiaku i Moskës Sergey Sobyanin tha më 7 shtator se mbrojtja ajrore ruse rrëzoi një dron mbi Ramenskoye, në juglindje të Moskës, përcjell Bota sot.
Sobyanin tha se shërbimet e urgjencës ishin në punë në vendin e përplasjes. Ai tha gjithashtu se nuk raportohet për viktima apo dëme materiale.
Megjithatë, mediat ruse publikuan pamjet dhe imazhet në Telegram duke pretenduar se tregojnë pasojat e përgjimit të dronëve.
Sipas këtyre postimeve, droni ra në afërsi të Aeroportit Ndërkombëtar Zhukovsky dhe një valë shpërthimi bëri që të thyheshin xhamat e shtëpive aty pranë.
Po atë natë, autoritetet ruse raportuan një tentativë sulmi me dron në Rostov-on-Don që dëmtoi makina dhe plagosi një person.
Raportet për sulme me dron brenda Rusisë kanë qenë në rritje muajin e fundit.
