Udhëheqësi i Koresë së Veriut, Kim Jong Un ka marrë pesë dronë shpërthyes, një dron zbulues dhe një jelek antiplumb si dhuratë nga një guvernator rajonal në vizitën e tij në Rusi.
Të shtunën ai u takua me ministrin rus të mbrojtjes në Vladivostok, ku inspektoi disa armë, duke përfshirë një sistem raketash hipersonike.
Siç thuhet më tej, guvernatori i rajonit Primorye, i cili kufizohet me Kinën dhe Korenë e Veriut, gjithashtu “i ofroi Kim Jong Un një grup jeleku antiplumb” dhe “veshje speciale që nuk dallohen nga kamerat termike”.
Kim Jong Un ends his visit to Russia. He was escorted to the station in Primorye ,his armored train left. pic.twitter.com/QIosKpPHmg
— Wolf (@Vuk02577707) September 17, 2023
Të dielën, Kim përfundoi vizitën e tij në Lindjen e Largët Ruse duke hipur në trenin e tij të blinduar në qytetin Artyom, që ndodhet në veri të portit të Vladivostok, dhe duke nisur udhëtimin e gjatë për në shtëpi, raportuan mediat shtetërore në Rusi.
Kim kaloi gjashtë ditë në Rusi dhe zhvilloi bisedime me presidentin Vladimir Putin në portin hapësinor Vostochny.
