BE-ja do t’i kërkojë Kinës që ta shtyjë Rusinë drejt “paqes së drejtë” në Ukrainë
Nga: M.H.
Presidenti i Këshillit Evropian do t'i kërkojë Kinës në Këshillin e Sigurimit të Kombeve të Bashkuara të bëjë më shumë për ta shtyrë Rusinë drejt një "paqeje të drejtë" në Ukrainë, sipas draft fjalimit të tij.
Në mbledhjen e Këshillit të Sigurimit të mbajtur gjatë Asamblesë së Përgjithshme të OKB-së nesër në Nju Jork, Charles Michel pritet të bëjë thirrje për "një paqe të drejtë që respekton Kartën e OKB-së dhe parimet e saj thelbësore - integritetin territorial të një kombi sovran".
Drafti thotë se ai më pas do t'i drejtohet drejtpërdrejt delegacionit kinez për t'i thënë: "Si kombe të përgjegjshme, le të bashkojmë forcat - për të bindur Rusinë që t'i japë fund kësaj lufte kriminale që po dëmton kaq shumë."
Zëvendëspresidenti i Kinës Han Zheng ndodhet në Nju Jork për mbledhjen vjetore të liderëve botërorë dhe presidenti i Ukrainës, Volodymyr Zelenskyy, gjithashtu pritet të marrë pjesë në mbledhjen e këshillit.
Kina ka abstenuar nga votat e Asamblesë së Përgjithshme të OKB-së prej 193 anëtarësh, e cila kërkoi me shumicë dërrmuese Moskën të tërheqë trupat e saj nga Ukraina - në një lëvizje të dukshme për të qëndruar në gardh për luftën.
Zelensky nga Asambleja e Përgjithshme e OKB-së në New York: Rusia po kryen gjenocid ndaj Ukrainës
Presidenti ukrainas Volodymyr Zelensky, nga Asambleja e Përgjitjshm e OKB-së në New York, ka akuzuar Rusinë për gjenocid.
Zelensky e nisi fjalimin duke thënë se Rusia po “armatizonte” mungesën globale të ushqimit dhe krizën e energjisë, ndërsa shtoi se Moska ka rrëmbyer fëmijët ukrainas.
Sipas tij Moska po e bën këtë me shpresën që disa ose të gjitha territoret e aneksuara të Krimesë, Zaporizhzhia, Luhansk, Donetsk dhe Kherson të njihen ndërkombëtarisht dhe ligjërisht si tokë ruse.
“Ky është padyshim një gjenocid. Ne duhet të veprojmë të bashkuar për të mposhtur Rusinë, në mënyrë që OKB të mund të fokusohet në sfida të tjera globale”, deklaroi presidenti i Ukrainës.
Asambleja e OKB-së, presidenti polak: Do ishte mirë që Ukraina të kujtojë se merr ndihmë edhe nga ne
Presidenti polak Andrzej Duda nga Asambleja e Përgjithshme e OKB-së ka komentuar pushtimin e Ukrainës nga Rusia dhe ndihëm e dhënë nga Polonia.
Gjatë fjalës së tij, Duda i kujtoi presidentit ukrainas Volodymyr Zelesky, ndihmën që vendi i tij i ka dhënë Ukrainës në këto kohë të vështira.
“Do ishte mirë që Kievi të kujtonte se merr ndihmë nga ne dhe të kujtonte se ne jemi gjithashtu një vend tranzit në Ukrainë”, tha Duda.
Kujtojmë se Polonia herë pas here është konfliktuar politikisht në mënyrë direkte dhe indirekte me Rusinë dhe Bjellorusinë, të cilat janë aleate.
Mbi 200 ushtarë rusë dorëzohen në Ukrainë falë projektit “Dua të jetoj”
Për shkak të projektit “Dua të jetoj” i nisur nga qeveria ukrainase, 216 ushtarë rusë u dorëzuan gjatë 12 muajve të fundit dhe më shumë se një mijë ushtarakë presin të transferohen në vijën e frontit.
Këtë e ka bërë të ditur përmes Telegramit Shtabi Koordinues për Trajtimin e të Burgosurve të Luftës , duke publikuar raportin vjetor të performancës.
Siç kujton Shtabi, ky muaj shënon 12 muaj nga nisja e projektit.
Vihet re se mbi 48 milionë njerëz nga Rusia dhe territoret e pushtuara përkohësisht të Ukrainës vizituan faqen e internetit “Unë dua të jetoj”. Mbikëqyrësi rus i telekomit Roskomnadzor bllokoi 256 nga domenet e platformës.
Në kuadër të projektit u kryen 21 operacione për nxjerrjen e ushtarëve të dorëzuar. Në disa raste, ushtarët rusë do të sillnin edhe pajisje ushtarake.
1,072 persona të tjerë janë në gatishmëri, duke pritur radhën e tyre për t’u transferuar në mënyrë të sigurt në vijën e parë.
“Sigurisht, projekti nuk ndalet me kaq. Pas zbatimit të suksesshëm të Operacionit Sinytsia (që përfshin dezertimin e një piloti lufte rus që fluturoi me helikopterin e tij në Ukrainë para se të dorëzohej), numri i aplikimeve nga rusët vazhdon të rritet. Çdo ditë, ne marrim përmes kanaleve të shumta dhjetëra aplikime nga ushtarakë aktivë të ushtrisë ruse dhe më gjerë”, theksoi Shtabi i Koordinimit.
Theksohet se aplikimi në projektin “Dua të jetoj” është e vetmja mundësi reale për ushtrinë ruse që të kthehet gjallë në shtëpi.
Më herët, projekti “Dua të jetoj” mori më shumë se 25,000 aplikime nga ushtarë rusë të gatshëm të dorëzoheshin.
Britania do të furnizojë Ukrainën me dhjetëra mijëra predha artilerie
Mbretëria e Bashkuar do të furnizojë Ukrainën këtë vit me “dhjetëra mijëra” predha artilerie të tjera, njoftoi ministri britanik i Mbrojtjes, Grant Shapps.
“Sot ne kemi demonstruar përkushtimin e palëkundur të Mbretërisë së Bashkuar ndaj Ukrainës dhe kemi vendosur më shumë mbështetje ushtarake.
Duke përfshirë premtimin e dhjetëra mijëra predhave të tjera artilerie për t’i mundësuar Ukrainës të mbrohet,” tha ai pas një takimi të Grupit të Kontaktit të Mbrojtjes së Ukrainës në Gjermani.
Ai shtoi gjithashtu se Mbretëria e Bashkuar do të shkojë më tej në muajt e ardhshëm në fushat prioritare të mbështetjes, duke përfshirë mbrojtjen ajrore dhe aftësitë e sulmeve me rreze të gjatë, dhe trajnimin.
