UNICEF tha të premten se fatkeqësitë natyrore të përkeqësuara nga ndryshimet klimatike kanë detyruar miliona fëmijë të largohen nga shtëpitë e tyre në gjashtë vjetët e fundit, ndërsa totali pritet të dyfishohet në dekadat e ardhshme.
Në raportin e titulluar “Fëmijët e zhvendosur në një klimë në ndryshim”, UNICEF tha se ngjarjet e motit kanë zhvendosur brenda vendit 43.1 milionë fëmijë në 44 vende midis viteve 2016 dhe 2021.
“Është e tmerrshme për çdo fëmijë kur një zjarr i egër, stuhi apo përmbytje futet në komunitetin e tyre”, tha drejtoresha ekzekutive e UNICEF-it – Catherine Russell në një deklaratë. “Për ata që janë të detyruar të ikin, frika dhe ndikimi mund të jenë veçanërisht shkatërruese, me shqetësimin nëse ata do të kthehen në shtëpi, do të rifillojnë shkollën ose do të detyrohen të lëvizin përsëri”.
Russell shtoi se teksa ndikimet e ndryshimeve klimatike përshkallëzohen, “po ashtu edhe lëvizja e drejtuar nga klima”.
