Organizata Botërore e Shëndetësisë ka paralajmëruar për kërcënimin në rritje të sëmundjeve infektive pasi luftimet zhvendosin gjithnjë e më shumë banorë të Gazës.
Strehimoret janë të mbipopulluara, higjiena personale është e vështirë, ilaçet janë në mungesë dhe sistemi i kujdesit shëndetësor është i mbingarkuar, raporton The Telegraph.
Në tre muajt deri në mes të dhjetorit, OBSH-ja regjistroi 180 mijë raste të infeksioneve të rrugëve të sipërme të frymëmarrjes, 136 mijë e 400 raste diarreje (gjysma te fëmijët nën pesë vjeç) dhe 55 mijë e 400 raste me morra dhe zgjebe.
