Më shumë se 200 luftëtarë ukrainas janë dënuar me burgim nga gjykatat ruse që nga fillimi i luftës, sipas ministrit të jashtëm rus Sergei Lavrov.
Ai i tha agjencisë së lajmeve RIA se ushtarët u dënuan për "kryerje të mizorive".
Rreth 4,000 raste "kriminale" janë iniciuar nga Komiteti Hetimor i Rusisë kundër rreth 900 individëve ukrainas, tha ai.
“Ato përfshijnë jo vetëm anëtarë të shoqatave radikale nacionaliste, përfaqësues të forcave ukrainase të sigurisë dhe mercenarë, por edhe përfaqësues të udhëheqjes ushtarake dhe politike të Ukrainës”, tha zoti Lavrov.
Të dyja palët e konfliktit kanë akuzuar njëra-tjetrën për kryerjen e mizorive që kur Rusia pushtoi Ukrainën vitin e kaluar.
OKB-ja thotë se ka gjetur prova të krimeve të luftës dhe shkeljeve të të drejtave të njeriut të kryera nga autoritetet ruse, dhe një urdhër arresti për Vladimir Putin është lëshuar nga Gjykata Penale Ndërkombëtare për krime të dyshuara lufte.
