Aeroporti Pulkovo i Shën Petersburgut është mbyllur për arsye sigurie, njoftoi agjencia ruse e transportit ajror, cituar nga Tass.
Sipas Baza, një media ruse e afërt me shërbimet speciale, mbyllja e aeroportit për mbërritje dhe nisje u vendos për shkak të një zjarri të madh në periferi të Shën Petersburgut.
Sipas Rbc Ukraine, zjarri u përhap në një hangar pranë aeroportit, ku një sipërfaqe prej një mijë metrash katrorë mori flakë.
Dy persona kanë mbetur të plagosur ndërsa shkaku i zjarrit nuk bëhet i ditur.
