LIVE: Izraeli thotë se Irani e shpalli luftën, paralajmëron sulme dhe mbrojtje; SHBA nuk do të bashkohet

Kabineti izraelit i sigurisë ka autorizuar kabinetin e luftës prej tre personash që të vendosë për përgjigjen e Izraelit ndaj sulmit iranian pas një takimi natën vonë të shtunën, tha një zyrtar izraelit për CNN.

Autorizimi vjen pasi Izraeli u përball me më shumë se 200 "kërcënime", sipas Forcave të Mbrojtjes të Izraelit.

Kabineti i luftës përbëhet nga kryeministri Benjamin Netanyahu, Ministri i Mbrojtjes Yoav Gallant dhe Benny Gantz.

Pas kwsaj, Presidenti amerikan Joe Biden dhe kryeministri izraelit, Benjamin Netanyahu kanw folur në telefon. Kurse, sekretari amerikan i Mbrojtjes Lloyd Austin i ka kërkuar homologut të tij izraelit, ministrit Yoav Gallant, që të njoftojë SHBA-në përpara çdo përgjigjeje të mundshme ndaj sulmit iranian, sipas një zyrtari amerikan. Të dy folën të shtunën në mbrëmje, disa orë pasi Irani kishte lëshuar breshërinë e tij masive të dronëve dhe raketave në Izrael.

Gallantka informuar Austin për operacionet mbrojtëse të Izraelit deri më tani dhe theksoi se Izraeli është gati për çdo sulm të mëtejshëm.

Kurse, komanda e Frontit të Brendshëm të Izraelit ka anuluar kërkesën e saj që banorët në të gjithë vendin të qëndrojnë pranë strehimoreve.

Anulimi i kwrkesws vjen disa orë pasi Forcat e Mbrojtjes së Izraelit udhëzuan banorët e disa pjesëve të Izraelit verior që të qëndrojnë pranë hapësirave të mbrojtura dhe urdhëruan që banorët të prisnin në "zonën më të mbrojtur të mundshme" për të paktën 10 minuta "pas aktivizimit të sirenave".

Forcat izraelite dhe aleate rrëzuan “shumicën dërrmuese” të qindra dronëve dhe raketave të lëshuara nga Irani, gjatë një sulmi të paprecedentë kundër Izraelit.

Shpërthime të forta mund të dëgjoheshin mbi shumë pjesë të Izraelit, në orët e hershme të 14 prillit.

Autoritetet izraelite raportuan vetëm dëme të lehta në një instalim ushtarak izraelit dhe thanë se një vajzë shtatëvjeçare u plagos rëndë, pasi më shumë se 200 dronë dhe raketa u ndaluan përpara goditjes.

“Ne jemi gati për çdo skenar, si për mbrojtje, ashtu edhe për sulm. Shteti i Izraelit është i fortë”, tha kryeministri izraelit, Benjamin Netanyahu.

Mediat amerikane dhe britanike raportuan se forcat e tyre të armatosura morën pjesë në rrëzimin e raketave mbi zonën kufitare Irak-Siri, derisa fluturonin në drejtim të Izraelit.

Izraeli dhe Irani kanë qenë armiq të ashpër prej dekadash, por ky është sulmi i parë i drejtpërdrejtë i njërit në tokën e tjetrit.

Ai vjen pas një sulmi në konsullatën e Iranit në Siri, më 1 prill, kur u vranë shtatë oficerë ushtarakë, përfshirë një komandant të lartë.

Lexoni artikullin për t'u informuar më shumë: Izraeli dhe aleatët rrëzojnë shumicën e dronëve dhe raketave të Iranit

Sekretari amerikan i mbrojtjes ka thënë se Amerika nuk kërkon konflikt me Iranin, por nuk do të hezitojë të mbrojë forcat e tij dhe të mbështesë mbrojtjen e Izraelit.

Në një deklaratë këtë mëngjes, Lloyd Austin tha se ai i bën thirrje Iranit të de-përshkallëzojë situatën dhe të ndalojë çdo sulm tjetër të mundshëm.

Ajo vjen pasi presidenti Joe Biden i tha Benjamin Netanyahut të Izraelit se "angazhimi i hekurt" i SHBA për sigurinë e vendit mbetet.

Ai shtoi se avionët ushtarakë amerikanë dhe shkatërruesit e mbrojtjes nga raketat balistike ndihmuan për të "rrëmbyer pothuajse të gjithë dronët dhe raketat në hyrje" të lëshuara nga Irani dje në mbrëmje.

Zoti Biden i tha gjithashtu zotit Netanyahu se SHBA do të kundërshtojë çdo kundërsulm nga Izraeli kundër Iranit, sipas uebsajtit amerikan të lajmeve Axios, duke cituar një zyrtar të lartë të Shtëpisë së Bardhë.

Ministria e Jashtme kineze ka thënë se është “thellësisht e shqetësuar” për përshkallëzimin e situatës aktuale pas sulmit të Iranit ndaj Izraelit.

Ai tha se tensioni po "përhapet" nga aktiviteti ushtarak në Gaza, duke shtuar se "shuarja e këtij konflikti është përparësia kryesore".

“Kina u bën thirrje palëve përkatëse të qëndrojnë të qetë dhe të ushtrojnë përmbajtje për të shmangur përshkallëzimin e mëtejshëm të tensioneve”, tha ministria.

Ai gjithashtu i bëri thirrje komunitetit ndërkombëtar - veçanërisht vendeve me ndikim - të luajnë një rol konstruktiv në ruajtjen e paqes dhe stabilitetit rajonal.

Irani lëshoi më shumë se 300 dronë dhe raketa në Izrael - 99% e të cilave u rrëzuan, tha ushtria izraelite.

Në një konferencë televizive, zëdhënësi i Forcave të Mbrojtjes të Izraelit, Daniel Hagari tha gjithashtu se disa nga lëshimet gjatë natës ishin nga Iraku dhe Jemeni.

Shtetet e Bashkuara të Amerikës dhe Britania e Madhe i kanë dal në ndihmë shtetit izraelit pas sulmeve me raketa dhe dronë nga Irani.

Aeroplanët amerikanë dhe britanikë kanë nisur të rrëzojnë dronët iranianë, shkruan skynews.

Televizioni më i vlerësuar izraelit, Channel 12 raportoi se aeroplanët luftarakë amerikanë dhe britanikë kanë rrëzuar disa dronë iranianë mbi zonën kufitare Irak-Siri.

Ushtria amerikane ka rrëzuar një dron iranian që po shkonte për në Izrael, thanë tre zyrtarë amerikanë.

Zyrtarët e paidentifikuar nuk zbuluan se sa dronë u rrëzuan apo vendndodhjet.

Theksojmë se Britania e Madhe kanë angazhuar aeroplanët e Forcave Ajrore Mbretërore, mëson mediumi britanik.

Ndryshe, Irani, grupi libanez i Hezbollahut si dhe Houthit e Jemnit, kanë lansuar raketa dhe dronë në drejtim të Izraelit.

Zëdhënësi i ushtrisë izraelite kundëradmirali Daniel Hagari sapo ka dhënë një përditësim pas sulmit ndaj Izraelit nga Irani.

Ai tha se më shumë se 300 dronë dhe raketa u gjuajtën nga Irani gjatë natës, 99% e të cilave u kapën.

Nuk u raportua për viktima, por një vajzë 10-vjeçare u plagos nga prerjet, tha zoti Hagari.

Ai shtoi se disa nga lëshimet ishin nga Iraku dhe Jemeni, përveç Iranit.

Ai vazhdoi të thotë se situata është ende në zhvillim dhe avionë po patrullojnë qiellin.

"Ne do të bëjmë gjithçka që është e nevojshme," tha zoti Hagari.

Ambasada amerikane në Jordani po paralajmëron qytetarët amerikanë "për nevojën e vazhdueshme për kujdes" pas mbylljes së hapësirës ajrore jordaneze dhe nisjes së një sulmi hakmarrës iranian kundër Izraelit.

Në një alarm sigurie të lëshuar të shtunën, ambasada këshilloi për mbylljen e përkohshme të hapësirës ajrore dhe vuri në dukje se "për shkak të tensioneve të larta në rajon, mjedisi i sigurisë mbetet kompleks dhe mund të ndryshojë shpejt".

“Ne i kujtojmë qytetarëve amerikanë nevojën e vazhdueshme për kujdes dhe i inkurajojmë ata të monitorojnë lajmet për zhvillimet e fundit”, thuhet në alarm.

Duke shtuar se “Ambasada e SHBA në Jordani do të vazhdojë të shqyrtojë situatën dhe të japë informacion shtesë sipas nevojës.

Grupi libanez Hezbollah ka pohuar në një deklaratë se militantët e tij lëshuan dhjetëra raketa Katyusha.

Duke synuar shtabin e mbrojtjes ajrore të Forcave të Mbrojtjes të Izraelit (IDF) në zonën e kazermave Kaila në Lartësitë Golan.

Në një deklaratë, Hezbollahu deklaroi mbështetjen e tij për popullin palestinez në Gaza dhe rezistencën e tyre kundër sulmeve izraelite në zonat civile.

Hezbollah tha se sulmi u krye në orën 12:35 të mëngjesit me orën lokale të së dielës.

Benjamin Netanyahu ka mbledhur kabinetin e luftës, sipas një njoftimi nga zyra e tij.

Kryeministri izraelit ka mbledhur zyrtarët në selinë ushtarake në Tel Aviv, shkruan Sky News.

Mbledhja vjen teksa vendi përgatitet të përgjojë një sërë dronësh dhe raketash të lëshuara nga Irani, të cilat pritet të mbërrijnë në orët e ardhshme.

Zëdhënësi i ushtrise izraelite në një deklaratë për shtyp konfirmoi se dhjetëra dronë janë lëshuar nga Irani drejt Izraelit.

Më herët, Netanyahu deklaroi se Izraeli ishte për një sulm të drejtpërdrejtë nga Irani dhe do të përgjigjet në të njëjtën mënyrë.

“Qytetarët e Izraelit, në vitet e fundit, dhe aq më tepër në javët e fundit, Izraeli është përgatitur për mundësinë e një sulmi të drejtpërdrejtë nga Irani. Sistemet tona të mbrojtjes janë të vendosura dhe ne jemi të përgatitur për çdo skenar, si në mbrojtje ashtu edhe në sulm. Shteti i Izraelit është i fortë, IDF është i fortë, publiku është i fortë. Ne e vlerësojmë SHBA-në për qëndrimin në krah të Izraelit, si dhe mbështetjen e Britanisë së Madhe, Francës dhe shumë vendeve të tjera”, u shpreh Netanyahu