Diplomatët e Bashkimit Evropian kanë rënë dakord për një ligj për përdorimin e fitimeve të papritura të krijuara nga asetet e bankës qendrore ruse të ngrira në bllok për mbrojtjen e Ukrainës, kanë thënë për agjencinë e lajmeve Reuters dy burime të njohura me këtë çështje.
Në mars, shefi i politikës së jashtme të BE-së, Josep Borrell, propozoi marrjen e 90% të të ardhurave nga asetet ruse të ngrira në Evropë dhe transferimin e tyre në një fond të drejtuar nga BE që financon armët për Ukrainën.
Rreth 70% e të gjitha aktiveve ruse të imobilizuara në Perëndim mbahen në depozitimin qendror të letrave me vlerë Euroclear në Belgjikë, i cili ka ekuivalentin e 163 miliardë paund letra me vlerë të bankës qendrore ruse dhe para.
