Guvernatori i Belgorodit, Vyacheslav Gladkov ka thënë se një grua është vrarë dhe 29 janë plagosur nga sulmet e vazhdueshme nga Ukraina gjatë fundjavës.
“Qyteti i Belgorodit dhe rajoni i Belgorodit iu nënshtruan granatimeve masive nga forcat e armatosura ukrainase”, tha guvernatori Gladkov në Telegram.
Ai nuk specifikoi se kur ndodhën granatimet, por pretendoi se rreth 300 banesa janë dëmtuar, shkruan Sky News.
“Një spital i qytetit, një spital rajonal për fëmijë, një shkollë dhe dy objekte sportive u dëmtuan gjithashtu”, është shprehur tutje ai.
Në lidhje me këto raportime ende nuk ka pasur asnjë koment nga zyrtarët ukrainas.
