Shpërthime të fuqishme janë dëgjuar në qytetin e pushtuar ukrainas Luhansk, ku më pas janë parë zjarre të mëdha në këtë qytet.
Leonid Pasechnik i emëruar në krye të këtij qyteti nga forcat ruse, ka konfirmuar se rajoni i Luhanskut është “dridhur” nga disa shpërthime.
Madje sipas tij ky rajon u sulmua nga raketat e fuqishme që shkaktuan vatra të mëdha zjarri.
Në anën tjetër, ministria rus e Emergjencave, ka njoftuar se ekipe të shumta të zjarrfikësve kanë dalë në terren.
Nuk raportohet për viktima apo shumën e dëmeve materiale që janë shkaktuar nga këto shpërthime.
