LIVE: Ushtria e Putinit merr një ‘goditje’, Kremlini vjen me akuza të rënda – kjo është lëvizja e fundit!

Rusia po i afrohet me shpejtësi “një rekordi të zi” në humbjet e pajisjeve të saj në luftën në Ukrainë, sipas një përditësimi nga ushtria ukrainase të enjten.

Sipas mediave të huaja, Shtabi i Përgjithshëm i Forcave të Armatosura të Ukrainës poston shifra mbi humbjet e trupave dhe pajisjeve ruse si pjesë e përditësimit mbi pushtimin e plotë të vendit nga Moska, i cili filloi më 24 shkurt 2022.

Kështu, ai tha se Rusia humbi 22 automjete të blinduara të personelit ditën e kaluar, duke e çuar numrin e përgjithshëm në 14.913.

Si Moska ashtu edhe Kievi kanë humbur sasi të konsiderueshme personeli dhe pajisjesh mes një shtytjeje të shtuar së fundmi nga Rusia në lindje të Ukrainës për të pushtuar territor.

Kievi tha këtë muaj se kishte stabilizuar situatën në vijën e frontit pasi forcat e Kremlinit filluan një ofensivë në rajonin e Kharkiv më 10 maj, duke pushtuar një numër fshatrash në kufirin verilindor të Ukrainës.

Presidenti ukrainas Volodymyr Zelensky ka pohuar se humbjet ruse gjatë ofensivës së saj në Kharkiv ishin tetë herë më të larta se ato të Ukrainës.

Megjithatë, Newsweek shkruan se nuk mundi të verifikonte në mënyrë të pavarur pretendimin.

Megjithatë, vë në pah mediumi në fjalë, Shtabi i Përgjithshëm i Forcave të Armatosura të Ukrainës tha gjithashtu se Rusia humbi 1,160 ushtarë gjatë ditës së kaluar, duke e çuar totalin në 506,260.

Moska ka humbur gjithashtu gjithsej 7,710 tanke, 13,101 sisteme artilerie, 17,849 automjete të tjera, 815 sisteme luftarake kundërajrore, 2,222 raketa, 357 aeroplanë ushtarakë, si dhe 326 helikopterë.

Kujtojmë se më 24 maj, Zelensky u tha gazetarëve se ofensiva e Rusisë në drejtimin e Kharkiv-it çoi në “viktima ushtarake nga një deri në tetë, një ukrainas me tetë rusë”.

E Shërbimi i Sigurisë i Ukrainës (SBU) pretendoi të mërkurën se kishte përgjuar një telefonatë midis një ushtari rus në rajonin e Kharkiv dhe nënës së tij, gjatë së cilës ai u ankua për kushtet e fushëbetejës dhe sulmet e vazhdueshme nga dronët ukrainas. 

Rusia ka shtuar forcat e saj pranë rajonit të Kharkiv në Ukrainën veriore, ku nisi një ofensivë këtë muaj, por ende i mungojnë trupat e nevojshme për një përparim më të madh në rajon, tha sot komandanti i lartë i Ukrainës.

Ukraina thotë se ka stabilizuar frontin në rajonin verilindor të Kharkivit, ku forcat ruse nisën një ofensivë ndërkufitare më 10 maj, duke hapur një front të ri pas 27 muajsh luftë.

Gjenerali Oleksandr Sirsky tha se Rusia vazhdon të dërgojë regjimente dhe brigada shtesë nga rajone të tjera dhe nga qendrat e trajnimit për të shtuar trupat e saj në dy linjat kryesore të sulmit në veri të Kharkiv.

Kjo përfshin zonën Striletsa-Liptsi midis dy fshatrave të vegjël dhe zonën pranë qytetit kufitar Vovchank ku armiqësitë po zhvillohen në rrugë.

Shtabi i Përgjithshëm i Ukrainës tha se forcat e tij po vazhdonin të forconin linjat e mbrojtjes dhe zmbrapsnin një ofensivë ruse sot pranë fshatit Staritsia në kufirin me Kharkiv.

Zëdhënësi i Gardës Kombëtare Ruslan Muzychuk tha se forcat ruse nuk përparuan në rajonin e Kharkiv një ditë më parë.

Inteligjenca ushtarake e Ukrainës (DIU) ka konfirmuar shkatërrimin e dy anijeve luftarake ruse në Krimenë e pushtuar.

Njësiti special Group 13 i inteligjencës ushtarake ukrainase, përdori dronët ujorë Magura V5 për të shkatërruar anijet ruse në Krime gjatë mëngjesit të 30 majit.

Për të tentuar të parandalojnë këtë sulm, rusët ngritën në qiell aeroplanët Su-27/30/35 dhe MiG-29, Be-12, An-26 si dhe helikopterët Ka-27/29 dhe Mi-8, por pa ndonjë sukses.

Ata gjithashtu përdorën edhe armë më të vogël si topa të kalibrit 30 mm, megjithatë as këto nuk i ndalën ukrainasit në përfundimin e misionit.

Nga inteligjenca ushtarake e Ukrainës u bë e ditur se dronët ujorë Magura 5, sulmuan anijet në afërsi të fshatit Chornomorsk të qarkut Yevpatoriia.

Kremlini tha të enjten se SHBA, NATO dhe disa vende europiane po inkurajonin Ukrainën të vazhdonte atë që e quajti “luftën e pakuptimtë” të Kievit me Rusinë dhe i akuzoi ata për përshkallëzimin e tensioneve në javët e fundit.

Rusia dërgoi dhjetëra mijëra trupa në Ukrainë në shkurt 2022 në atë që e quajti një operacion ushtarak special dhe Kievi thotë se po mbrohet me ndihmën e perëndimit, në një përpjekje për të dëbuar të gjitha forcat ruse nga territori i saj.

Zëdhënësi i Kremlinit, Dmitry Peskov, akuzoi të enjten disa vende perëndimore për rritjen e tensioneve në javët e fundit duke lejuar Ukrainën të përdorë armët që kishin furnizuar kundër objektivave brenda Rusisë, diçka që SHBA-ja nuk ka pranuar ende publikisht.

“Vendet anëtare të Aleancës së Atlantikut të Veriut,  Shtetet e Bashkuara në veçanti, kryeqytetet e tjera europiane, ditët dhe javët e fundit kanë nisur një raund të ri përshkallëzimi.

Ata po e bëjnë këtë qëllimisht. Ata po e inkurajojnë Ukrainën në çdo mënyrë të mundshme për të vazhduar këtë luftë të pakuptimtë.

E gjithë kjo, natyrisht, do të ketë pasoja të pashmangshme dhe në fund do të jetë shumë e dëmshme për interesat e atyre vendeve që kanë marrë rrugën e përshkallëzimit”, tha Peskov.

Rusia nuk është më në gjendje të prishë Samitin Global të Paqes, megjithëse po përpiqet shumë për ta bërë këtë, tha presidenti Volodymyr Zelensky.

"Sot i jemi mirënjohës Suedisë: ka një paketë të re dhe shumë domethënëse ushtarake për luftëtarët tanë. Është një përforcim thelbësor. Dje, rrugës për në Ukrainë, pas vizitës sime të punës, fola me Kryeministrin Kristersson si për situatën në fushën e betejës, ashtu edhe për nevojat tona aktuale.

Ne po punojmë me kapacitet maksimal për ta bërë sistemin tonë të mbrojtjes ajrore më efektiv dhe Suedia po i siguron Ukrainës aeroplanë specialë të vëzhgimit me radar; Pjesë e kësaj pakete janë edhe mjetet e blinduara dhe municionet.

E gjithë paketa vlen pothuajse 1.2 miliardë euro. Faleminderit, Suedi! Është një nga partnerët tanë më parimorë dhe është falë Suedisë mijëra jetë janë shpëtuar tashmë në Ukrainë.

Sot mora raporte edhe nga Komandanti i Përgjithshëm, nga Shefi i Shtabit të Përgjithshëm dhe nga Ministri i Mbrojtjes i shtetit tonë për situatën aktuale në front, për veprimet tona. Vëmendje po i kushtohet të gjitha drejtimeve, veçanërisht drejtimeve Pokrovsk dhe Kurakhove në rajonin e Donetsk, si dhe Kupiansk dhe drejtime të tjera në rajonin e Kharkiv.

I jam mirënjohës çdo njësie që po bën gjithçka që është e nevojshme për të stabilizuar situatën në front. Ne po përgatitemi gjithashtu për çdo aktivitet të mëtejshëm të armikut.

Ne e kuptojmë qartë se çfarë detyrash vendos Putin për ushtrinë e tij dhe për çfarë qëllimi. Ne do t’i përgjigjemi atij – me siguri. Dhe ne po përgatisim gjithashtu përgjigjet tona diplomatike ndaj përpjekjeve të Rusisë për të minuar Samitin e Paqes, i cili fillon pas dy javësh. Rusia nuk është më në gjendje të prishë samitin, megjithëse po përpiqet shumë për ta bërë këtë.

Po ushtron presion mbi liderët, duke kërcënuar hapur shtete të ndryshme me destabilizimin. Dhe kjo është një nga pasojat që bota i jep shumë kohë shtetit terrorist. Fatkeqësisht, e keqja di të përshtatet, dhe tani po përdor mjetet e saj për të ndarë botën. Por ne tashmë kemi pothuajse njëqind shtete dhe organizata ndërkombëtare që na bashkohen në këtë përpjekje globale.

Sot mbajta një takim të gjatë me të gjithë zyrtarët tanë të përfshirë në përgatitjet për Samitin. Ishin të pranishëm ekipi i Zyrës dhe zyrtarë qeveritarë,  kryeministri dhe ministrat; u përfaqësua edhe Verkhovna Rada, Kryetari i Kuvendit tani është në kontakt me shumë vende përmes marrëdhënieve ndërparlamentare.

Unë u kam dhënë atyre detyrën të ofrojnë informacion të detajuar pothuajse çdo ditë në lidhje me shtetet që kanë ende nevojë për punën tonë për të marrë pjesë në Samit dhe shtetet që kanë konfirmuar tashmë pjesëmarrjen e tyre  për ta bërë Samitin aq efektiv sa duhet për të sjellë paqen e vërtetë. Falenderoj të gjithë drejtuesit që po ndihmojnë!

I jam mirënjohës të gjithëve në botë që janë fjalë për fjalë në telefon këto ditë, në kontakt të vazhdueshëm, në negociata, në mënyrë që ky format global të bëhet shembull,  se si puna e përbashkët e kombeve të ndryshme të botës mund të rivendosë efektiviteti i Kartës së OKB-së dhe të detyrojë agresorin në paqe.

Sot fola me kryeministrin e Australisë. Australia gjithashtu ka konfirmuar pjesëmarrjen e saj në Samit. Unë gjithashtu fola me Sekretarin e Përgjithshëm të OKB-së për përgatitjet për Samitin, se sa e rëndësishme është që sistemi i OKB-së të jetë efektiv dhe që OKB të jetë gjithmonë pjesë e përpjekjeve të vërteta paqeruajtëse. Dhe tani e tutje, çdo ditë do të jetë po aq aktive në punën tonë ndërkombëtare për hir të Ukrainës –për hir të pavarësisë sonë, paqes sonë”, tha ai.

Beteja për Vovchanskun në rajonin e Kharkivit në Ukrainë është duke vazhduar. Ushtarët ukrainas të përfshirë në mbrojtjen e qytetit kanë shpërndarë pamjet nga betejat e ashpra kundër forcave pushtuese ruse.

Ushtarët ukrainas madje kanë theksuar se beteja për këtë qytet në rajoni e Kharkivit po i motivon më shumë, që të mos ndalen për asnjë moment deri në çlirimin e çdo pëllëmbe të territorit të Ukrainës.

Derisa rusët po tentojnë të marrin nënë kontroll Vovchanskun, ukrainasit janë të përkushtuar ta ruajnë dhe të zmbrapsin ushtarët e Vladimir Putinit.

Është pikërisht regjimenti Cunami i ushtrisë ukrainase që është angazhuar në mbrojtjen e këtij qyteti – ku derë më derë po futen që të kontrollojnë nëse ka ushtarë rusë.

Në anën tjetër ukrainasit kanë njoftuar se në orët e para të mëngjesit të sotëm kanë shkatërruar dy luftanije ruse në Krimenë e pushtuar.

Ata i hodhën në erë me dronët ujor që ishin të mbushur me lëndë shpërthyese, dhe i goditën anijet ruse në Krimenë e pushtuar. 

Kërcënime, mesazhe eksplicite, strategji për të testuar durimin e armikut. Kjo është ajo që po shohim nga NATO, që duket më shumë se kurrë me fokus tek sulmi i drejtpërdrejtë ndaj Rusisë.  Përgjatë kufirit që ndan NATO-n nga Rusia, lëvizjet ushtarake, reale dhe të supozuara, po shumohen, duke përfshirë operacione paralajmëruese dhe stërvitje të përbashkëta. E fundit, e përcaktuar si manovra bërthamore taktike dhe që në fakt u zhvillua, përfshin Rusinë dhe Bjellorusinë. Megjithatë, Shërbimi Kufitar FSB, shërbimi rus i sigurisë, pretendon se intensiteti i aktiviteteve operative të trajnimit për trupat e NATO-s përgjatë kufirit të vendit po rritet.  Disa vende të NATO-s kanë filluar të heqin kufizimet për përdorimin e armëve të tyre për të goditur Rusinë. Prandaj ata u rreshtuan me qëndrimet e sekretarit të përgjithshëm Jens Stoltenberg, të bindur se shkatërrimi i objektivave në Federatë nga forcat e Kievit me mjetet e siguruara nga BE-NATO nuk do të ishte një veprim sulmues, por pjesë e mbrojtjes së Ukrainës.

Polonia në krye

Diskutimet rreth kësaj çështjeje kanë shkaktuar një rritje të tensionit mes Perëndimit dhe Moskës, të përkeqësuar më tej nga fjalët e ministrit të Jashtëm polak Radoslaw Sikorski, i cili la të hapur mundësinë e dërgimit të ushtarëve në vendin e pushtuar. Së fundmi, është konfirmuar se Polonia po investon pothuajse 2 miliardë paund për të rritur sigurinë në kufirin e saj lindor, Krahu lindor i aleancës, i kufizuar nga Kaliningradi i Rusisë dhe Bjellorusia, do të mbulohet me fusha të minuara, llogore antitank dhe bunkerë. Një mbështetëse e vendosur e Ukrainës, polonia po përpiqet të mbajë larg si Rusinë, ashtu edhe Bjellorusinë aleate të putinit. Kryeministri polak Donald Tusk njoftoi programin e ri për ta bërë kufirin lindor të NATO-s "të pakalueshëm për një armik të mundshëm" në fillim të këtij muaji.. Ekziston një besim në rritje se Polonia së shpejti do të ketë ushtrinë më të fortë të Evropës. Polakët po ndërtojnë një ushtri që është në rrugën e saj për t'u bërë forca më e madhe tokësore në BE. Vendi tashmë ka më shumë tanke dhe obusa se Gjermania dhe qëllimi është deri në vitin 2035 të ketë 300,000 trupa, krahasuar me 170,000 trupa aktuale të Gjermanisë.

Harta e objektivave

Sakaq, edhe presidenti francez Emmanuel Macron dhe kancelari gjerman Olaf Scholz morën një hap të mëtejshëm në mbështetjen ushtarake për Ukrainën në takimin e tyre të fundit. Kështu shkruan gazeta “Le Monde”. Macron "për herë të parë ra dakord të autorizojë Kievin për të bombarduar objektivat ushtarakë në territorin rus", shpjegon gazeta franceze. Berlini ende refuzon të furnizojë Kievin me raketa Taurus. “Macron në takimin e tij me Scholz-in tregoi hartën e objektivave që duheshin goditur. Si t'u shpjegojmë ukrainasve se do të duhet t'i mbrojmë qytetet e tyre nëse u themi se nuk lejohen të godasin pikën nga lëshohen raketat? Ne u themi atyre: "Ne ju ofrojmë armë, por ju nuk mundeni ta mbroni veten”, tha presidenti francez Macron në konferencën e përbashkët për shtyp me kancelarin gjerman Scholz. "Ne duhet të lejojmë Kievin të neutralizojë vendet ushtarake nga të cilat lëshohen raketat," shtoi Macron.

Alarmi i inteligjencës ruse

Moska duket se po e ndjek rrezikun, madje ka nisur përgatitjet. Një nga krerët e shërbimit inteligjent rus ka akuzuar vendet anëtare të NATO-s se po përgatiten të kryejnë një sulm bërthamor në territorin rus mes tensioneve gjithnjë e më të theksuara midis Kremlinit dhe Perëndimit, shkruan Newsweek. "Aktivitetet e oficerëve të inteligjencës së NATO-s pranë kufirit janë duke u intensifikuar," tha gjenerali Vladimir Kulišov, i cili drejton departamentin e kufirit të FSB-së, duke shtuar se është e ngjashme me "intensitetin e stërvitjeve luftarake të forcave të Aleancës". "Skenarët e një sulmi ndaj Federatës Ruse, duke përfshirë një sulm bërthamor në territorin tonë, janë duke u përgatitur," tha ai. Komentet e Kulišov vijnë në një kohë kur Rusia është gjithashtu duke kërcënuar armët bërthamore, ndaj ndezja e gjakrave duket e garantuar.

“Rusia pushtoi Ukrainën në shkelje flagrante të ligjit ndërkombëtar dhe, sipas kësaj, ukrainasit kanë të drejtë të mbrohen. Kjo përfshin goditjen e objektivave legjitime ushtarake në Rusi”. Këtë e përsëriti Sekretari i Përgjithshëm i NATO-s, Jens Stoltenberg në një intervistë për gazetën spanjolle ‘La Vanguardia’.

“Nëse rusët kanë liri të plotë për të grumbulluar trupa dhe për të sulmuar nga territori i tyre, por ukrainasit nuk mund të përgjigjen, është shumë e vështirë të ushtrosh vetëmbrojtje”, -shtoi ai.

Sekretari i Përgjithshëm i NATO-s nënvizoi gjithashtu se “disa aleatë në fakt nuk kanë vendosur kurrë kufizime, si Mbretëria e Bashkuar me raketa lundrimi, kështu që është diçka që tashmë po ndodh. Në një luftë nuk ka vendime që nuk sjellin rreziqe, por më e madhja nga të gjitha do të ishte që Vladimir Putin të mbizotëronte.”.

Ukraina tha se ka zmbrapsur një sulm të madh ajror të nisur nga Rusia në mëngjesin e 30 majit. Mbrojtja ajrore e Kievit tha se ka rrëzuar 32 dronë dhe shtatë nga 19 raketat lundruese që Rusia lëshoi drejt caqeve ushtarake dhe infrastrukturës ukrainase.

Forcat Ajrore të Ukrainës thanë përmes një postimi në Telegram, se sulmet ruse u kryen në nëntë rajone ukrainase.

Raketat dhe dronët u rrëzuan mbi rajonet e Hmelnitskit, Dnipropetrovskit, Çerkasit, Hirovohardit, Zaporizhjës, Odesës, Hersonit, Kievit dhe Vinicias, tha ushtria izraelite.

Ndërkaq, përmes një njoftimit të ndarë kryetari i Harkivit, Ihor Terekhov, tha se infrastruktura kritike, përfshirë një tubacion gazi, i cili u dëmtua si pasojë e granatimeve që Rusia kreu gjatë natës. Qyteti i Harkivit gjendet vetëm 35 kilometra larg nga kufiri me Rusinë.

Që nga 10 maji, Rusia po kryen një ofensivë në rajonin e Harkivit, që ka detyruar mijëra persona të zhvendosen.

Presidenti ukrainas, Volodymyr Zelensky, shteti i të cilit po përballet me pushtimin që Moska nisi ndaj fqinjit të saj në vitin 2022, e ka përshkruar situatën në Harkiv si të vështirë.

Ukraina po përgatitet për aktivitete të mëtejshme në front dhe e kupton qartë se çfarë detyrash vendos Putin për ushtrinë e tij dhe për çfarë qëllimi, tha presidenti ukrainas, Volodymyr Zelensky në fjalimin e tij.

“Sot mora raporte edhe nga Komandanti i Përgjithshëm, nga shefi i Shtabit të Përgjithshëm dhe nga Ministri i Mbrojtjes së shtetit tonë për gjendjen aktuale në front, për veprimet tona. Po i kushtohet vëmendje të gjitha drejtimeve, veçanërisht drejtimet Pokrovsk dhe Kurakhove në rajonin e Donetsk, si dhe Kupiansk dhe drejtime të tjera në rajonin e Kharkiv”, tha Zelensky.

Ai falënderoi repartet që po bëjnë gjithçka për të stabilizuar situatën në front.

“Ne po përgatitemi gjithashtu për çdo aktivitet të mëtejshëm kundër armikut. Ne e kuptojmë qartë se çfarë detyrash vendos Putin për ushtrinë e tij dhe për çfarë qëllimi. Ne do t’i përgjigjemi atij – me siguri,” tha Zelensky.