Ambasada e Mbretërisë së Bashkuar ka hedhur poshtë një raport të medias libaneze se i ka dhënë një paralajmërim Libanit që Izraeli po planifikon një sulm të gjerë në mes të qershorit.
“Ne hedhim poshtë raportet që Mbretëria e Bashkuar ka sugjeruar, e lëre më dërguar mesazh diplomatik autoriteteve libaneze se Izraeli do të kryejë operacione ushtarake në qershor”, tha një zëdhënës i ambasadës së Mbretërisë së Bashkuar në një deklaratë, duke shtuar se nuk është roli i Mbretërisë së Bashkuar të “komentojë mbi planifikimin ushtarak të Izraelit”.
“Mbretëria e Bashkuar vazhdon të punojë drejt uljes së tensioneve midis Izraelit dhe Libanit”, shtoi zëdhënësi. “Angazhimi ynë me të dyja palët është i fokusuar në krijimin e kushteve për stabilitet dhe siguri në Linjën Blu.
Jemi të qartë se një konflikt nuk është në interesin e askujt”.
