Shtetet e Bashkuara kanë vendosur kufizime vizash për dhjetëra zyrtarë gjeorgjianë për shkak të miratimit të ligjit për “agjentët e huaj”.
Ligji ka shkaktuar javë protestash masive dhe kritikash për shkak se i ngjan ligjeve represive të përdorura nga Kremlini për të shtypur zërat kritikë dhe për të devijuar Gjeorgjinë nga rruga euro-atlantike.
Lëvizja, e njoftuar më 6 qershor nga zëdhënësi i Departamentit të Shtetit, Mattheë Miller, vjen pasi kryetari i parlamentit Shalva Papuashvili njoftoi ligjin më 3 qershor pasi ligjvënësit nga partia qeverisëse Ëndrra Gjeorgjiane tejkaluan veton e Presidentes Salome Zourabishvili ndaj projektligjit.
Qindra njerëz u arrestuan gjatë protestave kundër ligjit.
