Ministrat rusë që hynë në sallën e negociatave u dëbuan nga një zyrtar i Koresë së Veriut.
Një rregull e pashkruar ka befasuar rusët, gjegjësisht në takime bilaterale duhet të hynë gjithmonë i pari lideri korean, Kim Jong-un.
Në videon e publikuar në rrjetet sociale dëgjohet një bisedë e shkurtër midis zyrtarëve të dyja vendeve.
“Pse kemi ardhur këtu? Do të na kishit paralajmëruar menjëherë”, dëgjohet duke pyetur zyrtari rus.
“Lideri ynë do të hyjë i pari”, i shpjegoi përfaqësuesi i DPRK-së.
Ndryshe, presidenti rus, Vladimir Putin po qëndron në një vizitë zyrtare në Phenian, ku ka zhvilluar takim me presidentin Kim Jong-un.
