Policia australiane njoftoi sot se po heton një incident të ndodhur në një qendër tregtare në Adelaide, në jug të vendit, që çoi në evakuimin e saj dhe shkaktoi lëndime të lehta në disa persona.
Policia tha se mori informacion për dy grupe të rinjsh që po përlesheshin në zonën e qendrës tregtare Westfield Marion, me disa prej tyre të armatosur.
“Si rezultat i këtij incidenti, menaxheri i qendrës tregtare aktivizoi alarmin e evakuimit dhe qendra tregtare u rrethua,”tha policia në shtetin e Australisë Jugore në një deklaratë.
“Shumë klientë që kërkuan strehim në dyqane u shoqëruan në mënyrë të sigurt jashtë qendrës,” shtoi ajo.
Policia tha se ishte e kënaqur që nuk kishte asnjë kërcënim për komunitetin, por hetime të mëtejshme po kryheshin për të identifikuar grupet e përfshira.
Ndihmës Komisioneri i Policisë së Australisë së Jugut, Scott Duvall, u tha gazetarëve se pamjet nga qendra tregtare treguan se ishte një “sulm i rastësishëm”, sipas rrjetit ABC.
Duvall shtoi se askush nuk u plagos rëndë në konfliktin që shpërtheu mes grupeve të djemve, por një grua 77-vjeçare mund të jetë rrëzuar gjatë procesit të evakuimit dhe të ketë pësuar një frakturë, ndërsa një vajzë që besohet të jetë 14 mund të ketë u plagos gjatë evakuimit.
