Një kërkim i dëshpëruar është duke u zhvilluar në veri të Australisë për një fëmijë që dyshohet se është kapur nga një krokodil.
12-vjeçari u pa për herë të fundit rreth muzgut të martën, duke notuar pranë qytetit të largët Nganmarriyanga - rreth 7 orë me makinë në jug-perëndim të Darvinit në Territorin Verior (NT).
Policia thotë se një ekip i specializuar kërkimi dhe shpëtimi është vendosur pasi "raportet fillestare thanë se fëmija ishte sulmuar nga një krokodil".
NT është shtëpia e rreth 100,000 krokodilëve të ujit të kripur, më shumë se kudo tjetër në botë, por sulmet janë të rralla.
Anëtarët e komunitetit në Nganmarriyanga - i njohur më parë si Palumpa dhe shtëpia e vetëm 364 njerëzve - dhe policia lokale filloi kërkimin për fëmijën menjëherë pasi u zhduk në Mango Creek rreth orës 17:30 me orën lokale.
Tashmë atyre u janë bashkuar oficerë shtesë dhe ekipi i ekspertëve të kërkim-shpëtimit. Sipas mediave lokale, gjithashtu mund të nisë një kërkim ajror.
Ministri i Policisë së NT, Brent Potter, të mërkurën pasdite tha se operacioni kishte hyrë në "fazën e rikuperimit".
“Është një incident tragjik për çdo prind apo pjesëtar të familjes të humbasë një fëmijë të vogël, dhe veçanërisht në rrethana të tilla, nga një krokodil”, u tha ai gazetarëve.
Krokodilët e përfshirë në sulmet ndaj njerëzve në Australi zakonisht kapen dhe vriten.
