Aleatët e NATO-s do të shpallin në samitin e saj sot një ndihmë ushtarake minimale prej 40 miliardë eurosh për Ukrainën brenda vitit të ardhshëm, thotë Shtëpia e Bardhë.
Një përfaqësues i lartë civil i NATO-s do të vendoset në Kiev si pjesë e urës së saj drejt anëtarësimit.
Ndërkohë, Norvegjia ka thënë se do t’i dhurojë Ukrainës gjashtë aeroplanë luftarakë F-16, raportoi e përditshmja Verdens Gang, duke cituar kryeministrin norvegjez në samit.
Udhëheqësit e 32 vendeve anëtare të NATO-s janë bashkuar në Washington për të shënuar 75-vjetorin e aleancës, me mbështetjen për Ukrainën në krye të axhendës.
Presidenti ukrainas Volodymyr Zelensky është ftuar të marrë pjesë dhe të diskutojë mbështetjen e mëtejshme.
