Pesë persona u lënduan në një përplasje helikopteri në Pecatu, që ndodhet në zonën e Kutës Jugore të Balit në Indonezi, të premten.
Sipas Agjencisë Kombëtare të Kërkimit dhe Shpëtimit BASARNAS, tre persona në bord pësuan lëndime të rënda, ndërsa dy të tjerët morën vetëm plagë të lehta.
Përveç pilotit, në bord ndodheshin edhe katër persona, dy prej të cilëve shtetas australianë.
Mësohet se tre personat e plagosur rëndë janë nxjerrë nga helikopteri nga ekipet e kërkim-shpëtimit dhe janë transferuar në spitalin Siloam në rajon.
