Udhëtimi i fundit i Vladimir Putin në Azerbajxhan ishte një "përpjekje për të zhvendosur fokusin" nga sulmi i Ukrainës në Kursk, ka thënë Instituti për Studimin e Luftës (ISW).
Presidenti rus kohët e fundit kaloi dy ditë në vend ku u përpoq të paraqitej si një "diplomat efektiv", tha grupi hulumtues, përcjell Bota sot.
Përmbajtja dhe prezantimi i vizitës nuk doli përtej të zakonshmes, por...
"Koha e kësaj vizite është e rëndësishme duke pasur parasysh situatën e vazhdueshme në rajonin e Kurskut dhe përpjekjet e vazhdueshme të Kremlinit për të minimizuar përmasat dhe ndikimin e inkursionit ukrainas," tha ISW.
Ata shtuan: “Media shtetërore ruse u përqendrua në udhëtimin e Putinit në Azerbajxhan, duke përforcuar detaje të vogla, me gjasë pjesërisht për të larguar vëmendjen nga situata e pakëndshme në Rusi duke ngopur hapësirën e informacionit me një ekspozitë të angazhimit diplomatik global të Kremlinit dhe sukseseve të supozuara”.
