Organizata Botërore e Shëndetësisë (OBSH) në Gaza tha se është përpara objektivave të saj për vaksinimin e poliomielitit në Gaza në ditën e tretë të fushatës masive që synon parandalimin e një shpërthimi në territor.
Rik Peeperkorn, përfaqësuesi i OBSH-së për territoret e pushtuara palestineze, u tha gazetarëve se kishte vaksinuar mbi 161,000 fëmijë nën 10 vjeç në zonën qendrore në dy ditët e para të fushatës së saj kundrejt 150,000 të parashikuar.
“Deri më tani gjërat po shkojnë mirë”, citohet të ketë thënë ai nga Reuters. “Këto pauza humanitare, deri më tani funksionojnë. Kemi edhe dhjetë ditë përpara.”
Vaksinimet duhet të shoqërohen me pauza tre-ditore në luftimet në disa zona të territorit për të lejuar vaksinimin e më shumë se 640,000 fëmijëve. Por pavarësisht këtij premtimi, ka pasur raporte për sulme ajrore izraelite që vrasin popullin palestinez në Gaza që nga fillimi i fushatës së vaksinimit të dielën.
Organizata Botërore e Shëndetësisë beson se 90% e fëmijëve nën 10 vjeç në Gaza duhet të imunizohen që fushata të jetë efektive.
