Zyrtari më i lartë i OKB-së që mbikëqyr ndihmën dhe rindërtimin në Gaza ka thënë për BBC se komuniteti ndërkombëtar po “lë në baltë” civilët e pafajshëm në territor.
Sigrid Kaag, e cila u emërua nëntë muaj më parë, në mënyrë që të ndihmonte në përmirësimin e shpërndarjen e ndihmave të nevojshme, tha se një raport që ajo do të paraqesë sot në Këshillin e Sigurimit të OKB-së, ishte “shumë i zymtë dhe ndoshta i errët”.
Ajo e përshkroi situatën në bazë si një katastrofë.
“Ne nuk po i plotësojmë nevojat, e lëre më të krijojmë perspektiva dhe shpresë për civilët në Gaza”, tha ajo.
Në një intervistë të rrallë, Koordinatorja e lartë e OKB-së për Veprimin Humanitar dhe Rindërtimin në Gaza tha se sistemet për të ofruar ndihmë – duke përfshirë rrugët e shumta tokësore dhe detare për në Gaza – tani janë vendosur.
Dhe OKB-ja po punon gjatë gjithë kohës dhe njerëzit po rrezikojnë jetën e tyre çdo ditë.
Por ajo e quajti Gazën “vendi më i pasigurt në botë për të punuar”.
Zonja Kaag tha se një “stopim” i konfliktit ndërkohë që jepen ndihmat, nuk po funskionon.
“Nuk po funksionon, ose po funksionon në mënyrë të pamjaftueshme, për t’i bërë operacionet të realizueshme”, sqaroi ajo.
Javën e kaluar OKB-ja tha se një tjetër nga autokolonat e saj të ndihmave që shkonin në Gazën veriore u bllokua nga forcat izraelite dhe agjencia e Mbrojtjes Civile e Gazës e drejtuar nga Hamasi tha se një shkollë e OKB-së që funksiononte si strehë ishte shënjestër e një sulmi ajror izraelit, duke vrarë 18 persona. OKB tha se gjatë persona nga stafi i sja humbën jetën në këtë sulm,
Izraeli akuzoi Hamasin për përdorimin e objektit si “një qendër komandimi dhe kontrolli” dhe tha se luftëtarët e Hamasit ishin në mesin e të vdekurve.
OKB raporton se afro 300 punonjës të ndihmës, më shumë se dy të tretat e stafit, janë vrarë deri më tani në luftën e Gazës.
Zonja Kaag, një nga të paktët zyrtarë të OKB-së që takoi zyrtarë të lartë izraelitë, përfshirë kryeministrin Benjamin Netanyahu, i përshkroi diskutimet e saj si “konstruktive”.
Por ajo theksoi se midis angazhimit dhe kohës që duhet për të parë zbatimin e dukshëm dhe të prekshëm, kalon shumë kohë.
“Nuk ka asnjë ditë, asnjë sekondë për të humbur,” tha ajo për BBC në një intervistë nga Nju Jorku.
