SHBA-ja do të nënshkruajë një marrëveshje huaje të drejtpërdrejtë prej 920 milionë dollarësh me Rumaninë, në përpjekje për të mbështetur programin e saj të modernizimit të mbrojtjes.
Bëhet e ditur se marrëveshja vjen pasi Rumania kërkon të nxisë planin e saj të mbrojtjes pas pushtimit të Ukrainës nga Rusia.
Rumania, një anëtare e NATO-s dhe BE-së, synon të shpenzojë 2.5% të GDP-së së saj për mbrojtjen e vendit.
Shteti rumun ndan një kufi prej 650 kilometrave me Ukrainën dhe shpesh fragmentet e dronëve rusë kanë hyrë në territorin e saj, shkruan Reuters.
Disa zona gjithashtu janë afër porteve të lumit Danub, të cilat shpesh janë nën shënjestër të Rusisë.
Sipas marrëveshjes së huasë, Ministria rumune e Mbrojtjes do të ketë qasje të drejtpërdrejtë në 700 milionë dollarë, ndërsa deri në 220 milionë dollarë do të shkojnë në pronësi shtetërore të ROMARM, e cila kontrollon 15 kompani që prodhojnë armë dhe municione duke filluar nga baruti deri te raketat.
Ndryshe, në gusht, qeveria rumune e lejoi vendin të përfitojë një total prej 4 miliardë dollarësh në marrëveshje të drejtpërdrejta kredie, si dhe deri në 8 miliardë dollarë nga tregjet financiare me garanci të qeverisë së SHBA-së.
