Presidenti rus Vladimir Putin do të kryesojë një takim të Këshillit të Sigurimit të Rusisë të mërkurën për parandalimin bërthamor, tha Kremlini.
Takimi vjen në kohën kur Moska po peshon se si t’i përgjigjet kërkesave të Ukrainës drejtuar vendeve perëndimore për ta lejuar atë të godasë thellë Rusinë me raketa perëndimore me rreze të gjatë, raporton Reuters.
Lufta në Ukrainë ka shkaktuar konfrontimin më të keq midis Rusisë dhe Perëndimit që nga kriza e raketave Kubane e vitit 1962 – e cila konsiderohet të jetë koha kur dy superfuqitë e Luftës së Ftohtë iu afruan më shumë luftës bërthamore të qëllimshme.
