Rusia do të lëshojë dy satelitë iranianë të martën e 5 nëntorit, tha sot ambasadori i Iranit në Moskë.
“Në vazhdim të zhvillimit të bashkëpunimit shkencor dhe teknologjik Iran-Rusi, dy satelitë iranianë, Kowsar dhe Hodhod, do të lëshohen në një orbitë 500 km të tokës të martën, më 5 nëntor, nga një mjet lëshues Soyuz”, tha ambasadori iranian në Rusi Kazem Jalali në një postim në rrjetin social X.
Në njoftimin e saj, megjithatë, ambasada iranianenuk specifikon se nga cila port kozmike do të lëshohet raketa ruse Soyuz.
Megjithatë, sipas kompanisë prodhuese Omidfaza, dy satelitët do të përdoren për fushat e bujqësisë, transportit, mjedisit dhe hartave, thekson Moscow Times.
Nga ana e tij Irani ka siguruar publikun që aktivitetet e tij në hapësirë janë krejtësisht paqësore dhe gjithashtu në përputhje me rezolutën e Këshillit të Sigurimit të OKB-së, shkruan Reuters.
Megjithatë, Perëndimi shpreh shqetësim të fortë për përdorimin e teknologjisë që mund të përdoret si një alternativë ndaj raketave balistike të afta për të mbajtur kokë bërthamore.
Në samitin e fundit të grupit të vendeve Brics, i pari i Kremlinit Vladimir Putin zhvilloi bisedime me homologun e tij iranian Massoud Pezheskian, duke shprehur kënaqësinë e tij për marrëdhëniet dypalëshe “miqësore”.
Presidenti rus shtoi gjithashtu se dëshiron të “forcojë dinamikën pozitive në zhvillim në drejtim të bashkëpunimit tregtar dhe ekonomik” midis dy vendeve.
Që nga fillimi i pushtimit të Ukrainës në shkurt 2022, qeveria e Moskës ka tensionuar marrëdhëniet me Teheranin, të cilin e akuzon se e ka furnizuar me armë për luftën e saj kundër Ukrainës.
