Trupat e Koresë së Veriut janë përleshur për herë të parë me forcat ukrainase që pushtojnë një pjesë të rajonit rus Kursk, shkruan New York Times.
Trupat e Koresë së Veriut kanë shkuar në luftë së bashku me Rusinë kundër Ukrainës dhe një numër i konsiderueshëm janë vrarë, raporton gazeta amerikane, duke cituar një zyrtar të lartë të Kievit dhe një zyrtar të lartë amerikan.
"Trupat e para të Koresë së Veriut tashmë janë vënë nën zjarrin ukrainas në Kursk", njoftoi dje Kievi zyrtar.
Presidenti Volodymyr Zelensky tha se bazuar në informacionin e inteligjencës janë tashmë 11 mijë veri-koreanë në rajonin rus në kufirin me Ukrainën.
Ministri ukrainas i Mbrojtjes Rustem Umerov konfirmoi se ushtria e tij kishte një angazhim të parë me trupat e Koresë së Veriut, duke parashikuar se ai pret që pesë njësi nga Veriu, secila me rreth 3 mijë ushtarë, të dislokohen në vendet verilindore, lindore dhe juglindore në 1 mijë e 500 kilometra, një vijë e gjatë e frontit me Rusinë, me të paktën 15 mijë ushtarë.
Umerov, në një intervistë të hënën me transmetuesin publik të Koresë së Jugut KBS, tha se kishte ndodhur një përplasje "në shkallë të vogël", pa specifikuar kur dhe ku, në çfarë është fillimi zyrtar i pjesëmarrjes së Phenianit në luftën ruse.
Luftimet "nuk ishin në nivelin e angazhimit sistematik me të gjitha forcat e mobilizuara", shtoi Umerov, duke folur përsëri për atë që për trupat e Phenianit ishte përplasja e parë e vërtetë luftarake që nga 1953, viti kur mbaroi lufta në Gadishullin e Koresë.
Numri i përgjithshëm i ushtarëve të Koresë së Veriut të vlerësuar nga ministri ukrainas është më i lartë se rreth 10.000 të supozuar deri më tani.
