Ushtria sudaneze ka rimarrë qytetin Wad Madani nga rebelët.
Kjo u konfirmua nga burime të larta ushtarake.
Bëhet e ditur se Komanda e përgjithshme e Forcave të Armatosura Sudaneze (SAF) ka lëshuar një deklaratë, shkruan skynews.
Ajo tha se trupat e saj kishin hyrë në Wad Madani në mëngjes dhe “po punonin për të pastruar qytetin nga rebelët”.
SAF shtoi forcat e saj që synonin të përparonin më tej.
Ushtria postoi gjithashtu një video që dukej se tregonte trupat brenda qytetit, i cili është kryeqyteti i shtetit El Gezira të Sudanit.
Ndryshe, ky avancim vjen vetëm disa ditë pasi RSF u akuzua nga SHBA-ja për kryerjen e gjenocidit në vend.
Duke folur në atë kohë, Sekretari amerikan i Shtetit, Antony Blinken tha se RSF dhe milicitë e saj në linjë kishin “vrarë sistematikisht burra dhe djem – madje edhe foshnja – mbi baza etnike” dhe “qëllimisht kishin shënjestruar gra dhe vajza etnike për përdhunim dhe forma të tjera të dhunës seksuale”.
