Presidenti amerikan, Donald Trump, mbajti sot fjalimin e tij të parë para liderëve botërorë në Forumin Botëror të Ekonomisë që po zhvillohet në Davos.
Trump tha se Arabia Saudite duhet të ulë çmimet globale të naftës në mënyrë që t’i japë fund luftës midis Rusisë dhe Ukrainës.
Ai tha se sauditët dhe OPEC (Organizata e Vendeve Eksportuese të Naftës) janë “përgjegjës deri në një masë” për vazhdimin e luftës.
Lexo edhe: Trump i vendosi Putinit ultimatum! Rusia deklaron se është e gatshme për dialog reciprok me presidentin e SHBA-ve për t’i dhënë fund luftës në Ukrainë
“Jam i habitur që nuk e bënë këtë para zgjedhjeve, duhet të tregoni pak dashuri”, tha Trump.
“Nëse çmimi do të ulej, lufta Rusi-Ukrainë do të përfundonte menjëherë. Tani për tani, çmimi është mjaft i lartë sa që lufta do të vazhdojë. Duhet të ulni çmimin. Ata duhet ta kishin bërë shumë kohë më parë. Ata janë shumë përgjegjës deri në një masë, miliona jetë po humbasin”, tha Trump.
Evropa ka braktisur produktet ruse të naftës që nga pushtimi i saj në shkallë të plotë të Ukrainës në shkurt 2022.
Megjithatë, Moska ka mundur të gjejë tregje të tjera për naftën e saj, si India dhe Kina, duke e lejuar atë të vazhdojë financimin e luftës së saj.
