Të paktën 242 milionë nxënësve në 85 shtete ndërprenë shkollimin nga ngjarjet ekstreme klimatike në vitin 2024, njoftoi sot UNICEF.
Valët e të nxehtit ishin shkollat mbizotëruese të rrezikut klimatik që mbyllën shkollat vitin e kaluar në Bangladesh, Filipine dhe Kamboxhia, me mbi 118 milionë nxënës të prekur vetëm në prill, sipas UNICEF.
Afganistani ishte ndër vendet që u përball me rreziqe të shumta klimatike, me valë të nxehti si dhe përmbytje të forta që dëmtuan mbi 110 shkolla në maj.
Azia Jugore ishte rajoni më i prekur, me 128 milionë nxënës që u përballën me ndërprerje shkollore të lidhura me klimën vitin e kaluar, ndërsa në Azinë Lindore dhe Paqësor, shkollimi i 50 milionë studentëve u prek, raporton AA.
Drejtoresha ekzekutive e UNICEF-it Catherine Russell tha se moti i ashpër në vitin 2024 mbajti një në shtatë nxënës jashtë klasës, duke kërcënuar shëndetin dhe sigurinë e tyre dhe duke ndikuar në arsimimin e tyre afatgjatë.
"Trupat e fëmijëve janë në mënyrë unike të cenueshme. Ata nxehen më shpejt, djersiten me më pak efikasitet dhe ftohen më ngadalë se të rriturit. Fëmijët nuk mund të përqendrohen në klasa që nuk ofrojnë pushim nga nxehtësia e madhe dhe nuk mund të shkojnë në shkollë nëse rruga është e përmbytur”, tha ajo.
