Armiqësia e administratës së re të SHBA-së nën Presidentin Donald Trump kundër presidentit ukrainas, Volodymyr Zelensky, ka arritur një nivel të ri!
Sipas burimeve të afërta me Trumpin, tashmë qarkullon sugjerimi që Zelensky të largohet sa më shpejt në ekzil. "Për të dhe për botën do të ishte më mirë nëse ai largohet menjëherë për në Francë", citohet të ketë thënë një këshilltar i Trumpit për "New York Post".
▶ Pse pikërisht Franca? Ky vend mund të jetë përmendur për shkak se presidenti francez, Emmanuel Macron (47), mbajti një samit urgjent për Ukrainën në Paris në fillim të javës. Ndërkohë, në dhjetor ai kishte pritur në Pallatin Élysée si Trumpin, ashtu edhe Zelenskyn.
Ky qëndrim e ka përkeqësuar edhe më tej situatën për Zelenskyn, i cili ka qenë objekt i sulmeve të papritura nga Trump. Ky i fundit e ka quajtur atë "diktator" dhe e ka akuzuar për nisjen e luftës.
Zelensky refuzoi marrëveshjen për burimet natyrore
Nënkryetari i SHBA-së, JD Vance (40), dhe këshilltari i Trumpit, Elon Musk (53), iu bashkuan sulmeve me deklarata të ashpra. Edhe këshilltari për sigurinë kombëtare, Mike Waltz (51), deklaroi: "Presidenti Trump është aktualisht shumë i frustruar me Zelenskyn."
Ajo që ra në sy ishte se nuk u tha asnjë fjalë negative për presidentin rus, Vladimir Putin (72). Përkundrazi, sipas raportimeve të mediave, Putin është duke u përpjekur ta ftojë Trumpin si mysafir në paradën e tij të fitores më 9 maj në Moskë. Thuhet se Kremlini është pranë shpalljes zyrtare të fitores mbi Ukrainën.
Kjo përçarje e re midis Uashingtonit dhe Kievit mund të ketë pasoja reale në fushëbetejë: një deputet në Kiev ka pohuar se dërgesat e armëve nga SHBA-ja "janë ngadalësuar" ndjeshëm.
