Një avion i American Airlines, i cili po fluturonte nga New Yorku në New Dehli, ka bërë ulje emergjente në Romë, për shkak të një alarmi për bombë.
Avioni u ul sigurt në aeroportin Leonardo da Vinci të Romës dhe siç shihet edhe nga pamjet, gjatë devijimit, u shoqërua nga Forcat Ajrore Italiane.
“Siguria është prioriteti ynë kryesor dhe ne falënderojmë klientët tanë për mirëkuptimin e tyre”, tha linja ajrore në një deklaratë, pas uljes emergjente.
Sipas të dhënave, kërcënimi për bombë u mor nga me email, por u konsiderua i pabazuar.
Megjithatë, autoritetet indiane insistuan që avioni të kontrollohej përpara uljes në New Dehli.
Në aeroplan ishin 199 pasagjerë, si dhe 15 anëtarë të ekuipazhit, njoftoi linja ajrore. Pasagjerët po dërgohen me autobus në terminal për kontroll dhe avioni do të kontrollohet.
